Populære bibelvers fra Jujé 1

Del

See m’un ndum m’ari m’pana: Wa rɔi kɔgərɔ ləm, wa diŋgam məəi’g ləm tɔ, see m’pa bèe el wa. Ar ɓəl rai el ləm, ar siŋgasa wai el ləm tɔ mbata Njesigənea̰, Ala ləi a nai səi gə loo gə́ rara gə́ i a kaw keneŋ lé ya.

Ta gə́ mee maktub godndu’g neelé maji karee lal tai el, maji kari la̰ji toree məəi’g dan kàrá gə loondul’g gə mba ra néje lai gə́ ndaŋg taree keneŋ, togə́bè ɓa kula raije lai d’a maji ne kɔr njal ləm, i kara a teḛ ne kɔr ləm tɔ.

Wa rɔi kɔgərɔ ya ləm, wa diŋgam məəi’g ləm tɔ gə mba ra néje lai gə goo godndu Moyis gə́ to kura ləm gə́ yeḛ un ari lé. A ra karee ɔr rɔd ɓó a k’aw ne yo-yo nee-nee el, bèe ɓa né gə́ rara gə́ i a gə ra lé a teḛ mbi gə teḛ boo ya tɔ.

Gə mee ləbje lai gə́ i a si ne kəmba lé dəw kára kara a kaskəm kaar gəs nɔḭ’g el. M’a gə nai səi to gə́ m’nai ne gə Moyis bèe ya. M’a kɔr kya̰’i el ləm, m’a kubai kya̰’i el ləm tɔ.

Wa rɔi kɔgərɔ ləm, gə wa diŋgam məəi’g ləm tɔ, mbata i nja ɓa a kar dəwje neelé taa ɓee neelé gə́ ka̰ dee-deḛ to gə́ ma man ne rɔm m’ar bɔ deeje-je gə mba kar dee lé ya.

Looje lai gə́ seḭ a kilaje dabla gɔl si keneŋ ndá ma m’ar sí to gə́ ma m’ula ne Moyis kédé lé ya.

Moyis gə́ to kura ləm lé wəi mba̰, ḭta ɓasinè ya gə́ gaŋg baa gə́ Jurdɛ̰ gə́ nee, i gə koso-dəwje neelé lai gə mba kandə ne mee ɓee gə́ ma m’ar Israɛlje lé.

Loo gə́ Moyis gə́ to kura lə Njesigənea̰ lé wəi mba̰ ndá Njesigənea̰ ula Juje, ŋgolə Nun gə́ to njela gə Moyis lé pana

Rəw-nim-ɓee lə sí a kun kudee dɔdilaloo’g saar teḛ Liba̰ ləm, a kun kudee baa gə́ boo gə́ ria lə Epratə, dəs mee ɓee’g lə Hetje lai saar kaw njal teḛ baa-boo-kad gə́ boi’g par gə́ dɔ-gó ləm tɔ.

Dəw gə́ rara gə́ a kal ta ta godndui’g əsé a mbad ra né gə́ rara gə́ i a kun ndui dɔ’g karee ra lé ndá debee neelé d’a tɔlee gə́ tɔl ya. Nɛ i lé a kwa rɔi kɔgərɔ ləm, gə a kwa diŋgam məəi’g ləm tɔ.

Awje mbuna koso-dəwje’g loo-si dee’g ndá unje ndu sí arje koso-dəwje neelé pajena: Waje dɔ gɔl nésɔ sí mbata nai ndɔ munda ba ndá seḭ a gaŋgje baa gə́ Jurdɛ̰ gə mba kaw taa ɓee gə́ Njesigənea̰, Ala lə sí ar sí gə́ né ka̰ sí-seḭ lé.