Populære bibelvers fra Gḭ-Néje 25

Del

Ndá Njesigənea̰ ulá pana: Ginkoji dəwje joo to məəi’g ləm, Gin dəwje joo gə́ d’a kḭ rɔi’g lé D’a kai na̰ ɓəd-ɓəd ləm tɔ. Siŋga yeḛ gə́ kára a kur dɔ maree’g Ndá yeḛ gə́ dəa ɔs naŋg kédé lé a kula dəa no̰ yeḛ gə́ ndɔḭ’g lé.

Esawu ula Jakob pana: Ma m’ra ndòo rɔi’g ya, am lɔ-mḭji kas neelé bəl m’o̰ mbata lab ɔrm. Yee gə́ bèe ɓa d’unda ne ri Esawu lé lə Edɔm.

Isaak ra ndòo rɔ Njesigənea̰’g mbata lə dené ləa gə́ aw kad ndá Njesigənea̰ oo kəmtondoo ləa. Togə́bè ɓa Rebeka gə́ dené ləa lé əskèm ya.

Esawu tel ilá keneŋ pana: Aa oo, m’a gə kwəi nɛ see ŋgondər lé a kam ɗi wa. Jakob pana: Bèe ndá un ndui am kédé ɓa. Togə́bè ɓa yeḛ un ndia aree mba kar Jakob ndogo səa ŋgondər ləa lé ya.

Gée gə́ gogo gə́ ŋgokea̰ teḛ ndá jia wa gel gɔl Esawu. Togə́bè ɓa deḛ d’unda ria lə Jakob. Ləb Isaak aḭ rɔ-misa̰ ɓa yeḛ oji dee ɓəi.

Isaak unda Esawu dan kəmee’g mbata naḭ-ndo̰ ləa gə́ yeḛ aw sɔ ya. Nɛ Rebeka lé Jakob ɓa yeḛ undá dan kəmee’g ya.