Populære bibelvers fra Gḭ-Néje 17

Del

Loo gə́ ləb Abram aḭ rɔ-jinaikara-giree-jinaikara (99) ndá Njesigənea̰ teḛ kəm Abram’g ulá pana: Ma m’to Ala gə́ Bao-siŋgamoŋ. Maji kari njaa gə gelgodo ləi nɔm’g.

D’a ɓari Abram gogo el ŋga, nɛ rii a to Abrakam mbata ma m’teli gə́ bɔ ginkoji dəwje bula-bula ya.

M’a kar ta manrɔ ləm tɔ mbuna sí jeḛ səi gə mbuna ŋgakaije gə́ d’a gə korè gooi gə goo ŋgaka deeje. Ta manrɔ neelé a to gə́ kédé-kédé gə no̰ mba karm m’to ne Ala ləi ləm, gə ka̰ ŋgakaije gə́ d’a gə korè gooi ləm tɔ.

Aa oo, manrɔ ləm gə́ ma man rɔm m’ari ɓa to nee: I a tel to bɔ ginkoji dəwje gə raŋg bula.

Ala pana: Tɔgərɔ ya, Sara gə́ dené ləi lé a koji səi ŋgon ndá i a kunda ria lə Isaak. Maa̰ gə́ m’a man rɔm karee lé a to manrɔ gə́ a to saar-saar gə no̰ gə mbata lə ŋgakeaje gə́ gée’g.

Ɓee neelé gə́ i si keneŋ asəna gə mbá bèe lé m’a kari gə́ ka̰ ŋgakaije gə́ d’a gə korè gooi, dɔ naŋg gə́ Kana̰ bura a to ka̰ dee-deḛ ya doŋgɔ doi saar-saar gə no̰ ndá m’a to gə́ Ala lə dee lé.

Abrakam oso naŋg bəbərə dəb kəmee naŋg. Yeḛ kogo ndá pa mée’g pana: See diŋgam gə́ ra ləb tɔl (100) a koji ŋgon loo gə́ ra tɔɓəi wa. Sara kara ləbee aḭ rɔ-jinaikara (90) tɔ, nɛ see yeḛ a koji ŋgon ya tɔɓəi wa.

Ala ula Abrakam pana: I a ɓar Sarai, dené ləi lé gə ria gə́ Sarai el ŋga, nɛ ria a to Sara ɓa.

Seḭ a kinjaje tamɔd sí, yee ɓa a to nétɔji ta manrɔ gə́ to mbuna sí jeḛ səi’g.

M’a man rɔm kar Isaak, yeḛ gə́ Sara a kojee səi mee naḭ gə́ togə́bè’g ləb gə́ gogo tɔ.

Ŋgon gə́ diŋgam gə́ rara kara mbuna sí’g lé loo gə́ ndəa aḭ jinaijoo ndá d’a kinja tamɔdee gə goo ŋgaka síje ya, lé to ŋgon gə́ d’ojee mee kəi’g ləi əsé to yeḛ gə́ ndogee gə lar ji dəw-dɔ-ɓee gə́ to ginkoji ləi el kara a raje səa bèe ya tɔ. Lé riri kara d’a kinja tamɔd yeḛ gə́ d’ojee mee kəi’g ləi ləm, gə yeḛ gə́ ndogee gə lar ləm tɔ. Togə́bè manrɔ ləm gə́ a to darɔ sí’g lé a to manrɔ gə́ to saar-saar gə no̰.