Populære bibelvers fra Teḛ-Raga 9

Del

Nɛ neḛ n’ya̰ loo n’ari si kəmba gə mba kari oo siŋgamoŋ lə neḛ ləm, gə mba kar ri neḛ ɓar ne dɔ naŋg nee gə loo njal-njal ləm tɔ.

Njesigənea̰ ula Moyis pana: Aw rɔ Parao̰’g ndá i a kula pana: Njesigənea̰, Ala lə Ǝbrəje lé pa bèe pana: Ya̰ dəwje lə neḛ ar dee d’aw mba kar dee d’aw pole neḛ.

Ɓó lé n’ula ji neḛ ndiŋ gə mba tɔli-i gə koso-dəwje ləi gə yoo-koso ndá seḭ a saneje kad dɔ naŋg nee ya.

aa oo, ji Njesigənea̰ a kwɔi dɔ koso-nékulje’g ləi gə́ d’aar loo ndɔ’g, dɔ kundaje’g ləm, dɔ mulayḛ̀je-je’g ləm, dɔ jambalje’g ləm, dɔ maŋgje’g ləma, gə dɔ badje’g ləm tɔ, yoo-koso gə́ to ɓəl kədm-kədm a teḛ dɔ dee’g tɔ. Njesigənea̰ a kɔr kəm nékulje lə Israɛlje ɓəd ləm, gə ka̰ njé gə́ Ejiptə ɓəd ləm tɔ, ndá mbuna njé gə́ ka̰ njé gə́ Israɛl lé yeḛ gə́ kára kara a kwəi el.

aa oo, bèlè gə kàr gə́ togə́bè ndá n’a kar ndi kwɔji gə́ al dɔ loo sula ər dɔ sí’g, ndi kwɔji neelé dəw oo garee gə́ togə́bè ɓee gə́ Ejiptə gɔl kára el, un kudee ndɔ tum gin ɓee gə́ nee el ya saar ɓəi. Ar dee d’wa dɔ gɔl nékulje ləi ləm, gə néje ləi gə́ raŋg lai gə́ to walá lé ləm tɔ. Ndi kwɔji lé a kər dɔ dəwje’g lai ləm, gə dɔ daje’g lai gə́ d’aar walá ləm tɔ ndá deḛ gə́ d’ɔm dee bulá el ndá d’a kwəi.

Yee a tel to kor gə́ a kudu loo pḛ-pḛ dɔ naŋg ɓee gə́ Ejiptə’g, ndá kor neelé a k’ar rɔ dəwje ləm, gə rɔ daje lai gə́ mee ɓee gə́ Ejiptə ləm tɔ lé pélé rəg-rəg ndá a tel to bairaŋ gə́ taa rɔ dee pəl-pəl tɔ. Deḛ dḭ bu pər gə́ ta loo-kula-bṵda’g d’aar ne no̰ Parao̰’g, Moyis ɔm bu pər lé par gə́ dara ndá bu pər neelé ila bairaŋ gə́ orè goo rɔ-polé lé dɔ dee’g aree taa rɔ dəwje gə rɔ daje pəl-pəl.