Populære bibelvers fra 1 Timote 3

Del

Rəw kwa Ala mée’g gə́ gəd lé to ndərta gə́ dumkoo ɓó loo-maḭyee godo. Yeḛ neelé darəa to raga ndəgəsə ləm, Ndil ɓa ɔr gelee ləm, Kuraje gə́ dara d’ée ləm, Deḛ d’ɔr goo ta ləa d’ar njépole-magəje ləm, Nje gə́ dɔ naŋg nee d’ɔm meḛ dee dəa’g ləm d’unee d’unda loo ronduba’g ləa ləm tɔ.

Njekaa dɔ Eglisə lé maji karee to njegelgodo ləm, gə njedené kára ba ləma, gə njera kəmee rakaa ləm tɔ, yeḛ a to njemeendər ləm, yeḛ a kaw yururu ləm, yeḛ a kwa mbá bur-bur ləma, yeḛ a kaskəm ndoo dəwje né gə́ kəm ndoo dee ləm tɔ.

Yeḛ a kaa dɔ kəi ləa kər-kər ləm, a kaḭ ŋgaŋ ŋganee kɔr-kɔr mba kar dee d’ɔm na̰ gée’g yəg kar dee to gə́ majikojije ləm tɔ.

Maji kar njékaa dɔ néje lə Eglisəje lé to njédenéje gə́ kára-kára ba ləm, d’a kaḭ ŋgaŋ ŋgan deeje kɔr-kɔr ləma, d’a kaa dɔ kəi lə dee-deḛ ya kər-kər ləm tɔ. Mbata deḛ gə́ ra kula ra dee gə goo rəbee-rəbee lé d’a kiŋga ne riɓar ləm, d’a pata gə́ wɔji dɔ meekun lə dee gin Jeju Kristi’g lé gə kəm ŋgon diŋgam ləm tɔ.