Populære bibelvers fra 1 Samel 17

Del

Dabid ula dəw gə́ Pilisti lé pana: I lé ree gə kiambas gə ko̰-niŋga mba rɔ ne səm. Nɛ ma lé m’aw gə́ dɔi’g gə ri Njesigənea̰ gə́ njeboo-néje, yeḛ gə́ to Ala gə́ njeboo-néje gə́ Israɛl gə́ i ula sul dəa’g lé ya.

Bèe ɓa koso-dəwje lai neelé d’a gər ne to gə́ kiambas əsé niŋga ɓa Njesigənea̰ aji ne dəw el. Mbata kun baŋga lé to ka̰ Njesigənea̰, yeḛ gə́ ɔm sí ji sí’g lé ya.

Dabid pa tɔɓəi pana: Njesigənea̰ gə́ njetaam ji toboḭ’g gə ji da-urs’g lé a taam ji dəw gə́ Pilisti gə́ nee bèe ya tɔ. Yen ŋga Sawul ula Dabid pana: Aw ndá maji kar Njesigənea̰ nai səi ya.

Ɓogənè Njesigənea̰ a kilai jim’g ndá m’a rɔ səi tuga dɔi gaŋg. Ɓogənè m’a kar nin kudu-njérɔje lə Pilistije to ka̰ yelje gə́ dara gə daje gə́ dɔ naŋg nee to gə́ nésɔ dee. Yee ɓa dəwje gə́ dɔ naŋg nee lai d’a gər to gə́ Ala lə Israɛlje si keneŋ gən ya.

Yeḛ un ɗuguru-kag ləa wa jia’g tɔɓəi yeḛ mbər jərje mi gə́ guburu ŋgal-ŋgal dan mán’g ɔm dee mee ɓɔl-ŋgəm-né’g lə njékulbadje ləa ləm, gə mee ɓɔl-kubu’g ləa ləm tɔ. Ndá yeḛ ɔd aw gə́ dɔ dəw gə́ Pilisti’g lé gə yɔroŋ-dooje ləa jia’g.

Dabid ula Sawul pana: Maji kar dəw kára kara maḭ gə́ rəa mbata lə dəw gə́ Pilisti gə́ nee el! Ma kura ləi m’a kaw rɔ səa ya.