Populære bibelvers fra San Marcos 14

Del

Ñañapaꞌ awoꞌ aꞌyentheyeꞌ all rremosa patso ateth maꞌyochosa: —Apa, phokoppaꞌ ama eñalle ñeñth ama errothen apen penteno; ñeñthoꞌmar theꞌpaꞌ noteneph amach pemnatatsche oꞌch xhapona ñeñth atarr amoeroxhtatañ nenten na. Tharraña ñerraꞌm phach moenatspaꞌ añepaꞌchña ateth pephaton ñeñth pemnen pha, amachña añeyaye ñeñth nemnen na.

Eꞌñe señoseꞌrteñothpaꞌ xhoña semaꞌyochosa allochñapaꞌ atthoch amach sañeña aꞌpoerrataterro topateñets ñeñthchaꞌ sewapoya atarr womenk. Ñeñthpaꞌ amaꞌt atarr semneñeñ tharraña sechetsñapaꞌ amakaꞌye awamenkatheyeꞌ penso, ñeñthoꞌmarña notenes xhokmach semaꞌyochena.

Poꞌñoxhkaꞌye notenes: Ora errakmañen añ patsro errach serrpareꞌtatyenet añ kowen ñoñets allempopaꞌ serrpareꞌchetchaꞌ ñamha ateth penen theꞌ añ koyaneshaꞌ, atthochña ñaꞌnach yerpoenet.

Allempoñapaꞌ ateth otosanet: —Napaꞌ xha chepoxhenen nellkëña neyoxhro, xha moeneꞌ nerromoen nellkëñoth. Sapaꞌ allasaꞌthach arr sekwapretosnoꞌthach.

All rrallmeꞌchenet, Jesúsñapaꞌ chetan pan parasyosoꞌtan Yompor. Parasyosoꞌtwepaꞌ shotaꞌtan panpaꞌ apaꞌyesan poeyochreshaꞌ. Ñeñthpaꞌ ateth otanet: —Sagapyes, añmapaꞌ ñeñthchaꞌña nechets sepen.

Allothñapaꞌ chetan ñamha orramets parasyosoꞌtwerrerrpaꞌ apaꞌyerraneterr. Ñetña allowenetpaꞌ eꞌñe orryeswawet. Jesúsñapaꞌ ateth oterraneterr: —Añpaꞌ nerraskaꞌye sepeñ ñeñthchaꞌ ashatarethtatsa shonteꞌ acheñeneshakop. Añ nerraspaꞌ alloch eꞌñe etserra aꞌpoktaterra acheñeneshaꞌ Apoesho.

Allñapaꞌ ateth otosanet Jesús: —Añ tsaprokmach sa allowenespaꞌ saꞌypoꞌñaꞌwanmoenchaꞌ tharroꞌmar Yompor poꞌñoñopaꞌ atethkaꞌye anwareth, ñeñthpaꞌ ateth oteꞌth Yompor nokop: “Oꞌch nemtsater ñeñth kowampeneꞌ carnero, poꞌcarnerorñapaꞌ xhach matrraꞌtyesa allemeñ.”

Theꞌñapaꞌ setanterra oꞌch awey oꞌch yepokteꞌ. Sekweꞌkaꞌye ñeñthchaꞌ nepomoeꞌ ñeñthpaꞌ allaꞌtsena.

Jesúsñapaꞌ ateth otererr: —Poꞌñoxhkaꞌye oꞌch notaph, añe tsaprokmach amaꞌt eꞌñe epocha amach eñenaꞌ atollop phañapaꞌ oꞌch maꞌpoch phaꞌnasotenna.