Populære bibelvers fra San Marcos 10

Del

Ateth ñerraꞌm na Ñeñthen Acheñetosets, napaꞌ ama añekpayeꞌ newapo añe patsro allochñapaꞌ sapaꞌ oꞌch attha atarr sesherbhapoen na ateth ñerraꞌmrratheꞌ napaꞌ atarr amhchaꞌtareth sentenen. Napaꞌ añekopña newapa allochñapaꞌ nachña sesherbhoseꞌña sa, ñeñthoꞌmarña napaꞌ naña pomostsa nañeña oꞌch nerromos sokop atthochña netsaꞌtwerrnasa soꞌchñar ñeñthes shontes paꞌnamen acheñres. Atthochña sapaꞌ amach sañeña rromatso soꞌchñarekop.

Allempoña Jesúspaꞌ attha kowaꞌyesanetpaꞌ ateth oterraneterr: —Sa arromñatheneshaspaꞌ amach es errothenayeꞌ apen senteno. Tharraña Yomporpaꞌ ama eñalleña ñokop ñeñth atarr thorrapoꞌ enten.

Jesúsñapaꞌ alla otererr: —Theꞌpaꞌ awerreph eꞌñe peñmañeshaꞌ tharroꞌmar attho atarr peyemtapna na ñeñthkaꞌyeña oꞌ eꞌñe aꞌkrraterreph. Eꞌñepaꞌtchaꞌ allorokma eꞌñe kowen enterra. Eꞌñe kowerrtsapaꞌ xha kothaꞌnmoeꞌ ñamha Jesús alleneth sen.

Ñeñth attho Parets eꞌñe pathrratatan yakma epoet poethapor amach xha ellopaꞌ alla sannerreto.

Jesúsña eꞌñe poemorrenteñoth koweꞌpaꞌ ateth otererr: —Eñallmeñkaꞌye patherr ñeñth pepalltena ñeñth ama attheyeꞌ pepeno. Theꞌpaꞌ añchaꞌña ateth pepha oꞌch awerreph oꞌch pepomwerr ora allpon ñeñth pechyen oꞌch phapaꞌyeraꞌ wokchañneshaxhno ñeñth atarr es palltaꞌyetsa, atthochña phapaꞌ pecherrchaꞌ ñeñth atarr nanak sherbets Yompor poeꞌntaño. Allempochña pewerrapaꞌ oꞌch phoktherren atthoch eꞌñe neyochreshaꞌ neperreph eꞌñe poktakma.

Jesúsñapaꞌ ateth otaph: —Phapaꞌ ¿esoꞌtña pemnen ñeñthchaꞌ ateth nephoseph? Aporoꞌyethñapaꞌ ateth och: —Añkaꞌye Maestro nemnen oꞌch pekwatnomoen atthoch oꞌch kowen nenterrapa.

Sapaꞌ arepaꞌchña attheyeꞌ sephannaꞌtatsto eꞌñe sommoꞌcheñoth. Sokoppaꞌ añña poktetsa. Ñerraꞌm erraꞌtsenothes atarr amhchaꞌtarethoyen entetsañ ñeñthes acheñres sokoppaꞌ añ poktetsa oꞌch ateth senterra ñerraꞌm ama esosheꞌmayayso ñeñth ateth pena ñeñth attha atarr tarwasets poꞌpotantañekop.

Poꞌñoxhpaꞌ oꞌch notas, ñerraꞌm eseshaꞌ ama eꞌñeyeꞌ poeyemteñotheyeꞌ agëññañeto Yompor poꞌkowenña amach ateth perreto ñerraꞌm cheshatholl eꞌñech yemtenana ñeñth kowampeneꞌ, ñetñapaꞌ amach oꞌpatenetoña Yompor poꞌkowenña attho atarr ayochreshathtena ña.

Theꞌpaꞌ señochepaꞌch eñall shonteꞌ acheñ ñeñth ama asherbenayeꞌ senteno sa theꞌ tharraña ñetña allempopaꞌ atarrchaꞌ asherben enterranet Yompor. Ñamha eñall shonteꞌ acheñ ñeñth atarr asherben sentyen sa theꞌ, tharraña ñetña allempopaꞌ amach asherbenayeꞌ enterraneto Yompor.

Amaꞌt ateth moenataseñpaꞌ tharraña Yomporpaꞌ eꞌñe awathotheñ allempotheñ es yexhkatyes “allempo yexhkatan ñamha asheñorr, yexhkatan ñamha peno.” Allempo Yomporpaꞌ ateth ot: “Ñeñthoꞌmarña yakmapaꞌ ñerraꞌm esempoch senaꞌta, koyaneshaꞌpaꞌ oꞌch echan poerrollar, añ pokteꞌ oꞌwañchaꞌ tama yemteñet pamoꞌmteꞌ allochñapaꞌ yakmapaꞌ atthochña eꞌñe parrokmat epoet poethapor. Atthoña epsheñoꞌmaretpaꞌ eꞌñech pathrra poꞌchets penet.” Atthothchaꞌña oꞌwañchaꞌ poesheñaꞌtetstet, allochñapaꞌ oꞌch eꞌñe poesheñarratet.