Populære bibelvers fra Zɛnɛse 49

Del

Zuda ŋɔkâloŋ-wurii fé pâi kulâi ǹyêei. Ŋɔsuui su ƃelai da pâi wɔ́lɔ kɛ̂i nɔ́ a kâloŋ ŋa. Lɔii-ŋuŋ ŋai da pâi kɛ̂i nɔ́ ŋuŋ-fela-fei tɛɛ̂i bɔ́.

“Zosɛ káa yɛ̂ɛ ƃá-kpɔmɔ nyii gáa yá kɔlɛi. Ŋoŋo-ŋai naŋîŋɔɔi ziɣãŋ mɛi. Ŋɔkpɔara-ƃelai da tínaŋ ma. Díkɛ gbɛ̀ a díkerâŋ-ŋai da dítɔ̃a-ŋai a ŋwana-lɔ̂ɔ-pere.

Kɛ́lɛ ŋɔkerâŋ fé pâi ɣálei. Ǹyée su fé pâi saâi. Zeeka ŋɔwála-wala kélee Ɣalai ŋɔwála-wala sârai, Nyii gáa a m̀ála mɛi-kaa-nuui da Eezuɛ Maa-kɔ̃ɔ-nuui. Ínâŋ ŋɔɣâlai a pâi kpɔnîi yâ. Ŋ̀wála-wâla kélee Ɣalai a pâi lûwa lâai yâ. A dunai nyii a kulâi ŋ̀elei su da ǹyái nyii a kula ǹɔii mui. Inɛyâai da pâi lóŋ kâai da í taa-tulɛ-ŋai.

“Zuda, ílêɣe da ílîa-ni da pâi ílaa ma tɛ̂i. Íyee a pâi kɛ̂i íkpɔara-ƃelai kɔŋ mâ. Ínâŋ ǹônii-sinaai da pâi pɛlɛ̂i íkɔɔ mu. Zuda káa yɛ̂ɛ yala-sûlu-loŋ. A kpɛɛ ŋɔsuai miɛɛ ma, a lî pôlu bɔ́ taai. A lâa é sãa yɛ̂ɛ yala-sulu. Ǹyaŋ núu da fé naa é lɛ́ɣɛ ma.

“Lubiŋ, yá ƃa ńoŋ maa-ŋuŋ, íkaa a ŋáwala-walai. Í ƃò a ŋáwala-walai ŋɔƃá maa-ŋuŋ. Íyoŋkaai ítɔɔ̂i, íwala-walai ńônii kéelee sáma. Íkaa yɛ̂ɛ ya-fɛɛ, Kɛ́lɛ ítɔɔ̂i fé pâi ŋɔ́nɔ kɛ̂i a gɛ́tɛ. Kpɛ́ni fêi, í lɔ̀ pɔ̂rɔŋ a ŋánɛnîi, í ƃâa kula ínâŋ mà.