Populære bibelvers fra Zɛnɛse 21

Del

Yâwɛɛ è Seera nàa kàa yɛ̂ɛ berei è mò lai, é m̀ɛnii kɛ́ mì yɛ̂ɛ berei è góno tèe la ǹyêei.

Ɣâla è ǹôloŋ wɔ́lɔ-woo mɛ̀ni. Nya ƃe Ŋ̀âla-taa-kelai è Eega tòli ǹyɛɛ mai, “Eega, lé ƃé kɛ̂i a yá? Ífe yào, kpɛ́ni fêi, ƃɛ́i ǹôloŋ káa naai, Ɣâla a ŋ̀ɔ́lɔ-woo mɛni. Ímu siɣe í lí í ǹôloŋ síɣe í ŋ̀á-nɛnɛ, kpɛ́ni fêi, ŋa pâi ŋɔsuui su kɛ̂tɛi.”

Seera è koo sîɣe é lóŋ-surɔ̂ŋ máa sɔlɔ ƃô Eberaɣɛ̃ɛ mì a bɔlɔ tãi, a tãi Ɣâla è lòno la bɔ́i.

Nya ƃe Seera è mò ǹyɛɛi, “Ɣâla a ŋáɣɛlɛ-maa-ƃela kɛ́ ma. Ǹúui kélee pâi m̀ɛnii ŋí mɛnîi, a pâi ɣɛ̂lɛi.”

Kɛ́lɛ Ɣâla è mò Eberaɣɛ̃ɛ ma ǹyɛɛi, “Ílii fé tòo pôlu ǹúɛ-nɛnîi ŋí mɛni ma da ǹóŋ. M̀ɛnii kélee Seera a mò yâi, gɛ́ yɛ̂ɛ berei è mò lai. Kpɛ́ni fêi, da pâi ísuui láa seêi Aise sârai.

Kɛ́lɛ ŋa pâi ǹúɛ-nɛnîi ǹóŋ ŋɔsuui su kɛ̂tɛi máŋ. Kpɛ́ni fêi, gáa a íloŋ.”