Populære bibelvers fra Deuteronomium 6

Del

Jy moet die Here jou God met alles binne-in jou, ja, met jou hele wese liefhê.

Jy moet ook jou kinders daarvan vertel en jy moet oral daaroor praat. Of jy nou in jou huis sit, of jy op pad is, of jy ’n bietjie gaan lê of weer opstaan, jy moet altyd dink oor wat die Here van jou vra.

Al die woorde wat ek jou vandag leer, moet jy in jou hart bêre en altyd daaraan dink.

“Israel, onthou altyd dat die Here en net die Here alleen ons God is.

Maak sy voorskrifte aan jou arms vas en bind dit styf vas om jou voorkop.

Skryf dit op jou huis se deurkosyne en op die groot hekke van die stad.”

Jy moet die Here altyd liefhê, Hom dien en net in sy Naam beloftes aflê.

“Wanneer die Here julle in die land bring wat Hy lank gelede al aan Abraham, Isak en Jakob beloof het, sal julle in mooi, groot stede woon; stede wat julle nie self gebou het nie. Julle sal in huise vol mooi dinge bly, maar wat julle nie self mooi gemaak het nie. Daar sal ook waterputte wees wat julle nie self uitgekap het nie en wingerde en olyfbome wat julle nie self geplant het nie. In die nuwe land sal daar altyd kos wees. Sorg dus dat jy nooit die Here vergeet nie. Dink altyd aan Hom wat jou uit Egipte waar jy verdruk is, kom wegvat het.

Moses het weer vir die volk gesê: “Hier is die wet en die voorskrifte wat die Here gesê het ek vir julle moet leer. Leef daarvolgens in die land wat julle binnekort gaan binnegaan. Jou hele lewe lank moet jy die Here liefhê en sy wil uitleef. Jy en jou nageslag moet dit doen sodat julle lank kan leef en oud kan word.

Doen wat goed en reg is in die oë van die Here, dan sal dit met jou goed gaan. Jy sal die land wat die Here alreeds aan jou voorvaders beloof het, binnegaan en gelukkig daar woon.

Die Here jou God duld geen ander gode nie en as jy hulle aanbid, sal die Here se woede jou soos ’n vuur vernietig.

Moet nooit die gode van die ander nasies rondom jou aanbid nie.

“Julle moenie die Here se geduld beproef soos julle dit by Massa gedoen het nie.