Populære bibelvers fra KOLOSSENSE 3

Del

Verdra mekaar en vergewe mekaar as die een teen die ander 'n klag het; soos Christus julle vergeef het, so moet julle ook doen.

Bedink die dinge wat daarbo is, nie wat op die aarde is nie.

En wat julle ook al doen, doen dit van harte soos vir die Here en nie vir mense nie

Beklee julle dan, as uitverkorenes van God, heiliges en geliefdes, met innerlike ontferming, goedertierenheid, nederigheid, sagmoedigheid, lankmoedigheid.

Laat die woord van Christus ryklik in julle woon in alle wysheid. Leer en vermaan mekaar met psalms en lofsange en geestelike liedere, en sing in julle hart met dankbaarheid tot eer van die Here. En wat julle ook al doen in woord of in daad, doen alles in die Naam van die Here Jesus en dank God die Vader deur Hom.

En beklee julle bo dit alles met die liefde wat die band van die volmaaktheid is.

AS julle dan saam met Christus opgewek is, soek die dinge daarbo waar Christus is en aan die regterhand van God sit.

En laat die vrede van God, waartoe julle ook in een liggaam geroep is, in julle harte heers, en wees dankbaar.

Maak dood dan julle lede wat op die aarde is, naamlik hoerery, onreinheid, hartstog, slegte begeertes en gierigheid, wat afgodediens is

Want julle het gesterwe, en julle lewe is saam met Christus verborge in God.

Maar nou moet julle ook dit alles aflê, naamlik toorn, woede, boosheid, laster, skandelike taal uit julle mond.

Lieg nie vir mekaar nie, omdat julle die oue mens met sy werke afgelê het en julle jul met die nuwe mens beklee het wat vernuwe word tot kennis na die beeld van sy Skepper

Manne, julle moet jul vroue liefhê en nie teen hulle verbitter word nie.

Kinders, julle moet jul ouers in alles gehoorsaam wees, want dit is die Here welbehaaglik.

VROUE, wees julle mans onderdanig soos dit betaamlik is in die Here.