Populære bibelvers fra Mc 10

Del

Qa'a mate mane'e jayem jo'ne yataqachiñe Jiyaĝaua Lec'oĝot, ja ñanaequena qaedi 'uo da'me ñecochaguec, dite da'me ñanaequena qaedi yecochiyalo nataq'aen qaedi janema da'me 'yoyaĝac joga'me jiyaĝadipi 'me jalcote, qaedi ñep'aĝanegueta jogaa'me.

Jesús yelochiguilo gaa'me, nataq'aen da'me enaac: —Joga'me jiyaĝadipi ja yaqanate't da'me dojo', qalaĝaja ñe'me Dios ja en 'te qalaq.

Jesús 'yateguet: —¡Jamo, oc! Jouaĝat da'me adepe'e, am yemegue q'aen. Qama'le paja'a male yauanac, nataq'aen equegue ñe'me Jesús ga'me ladic.

Chane'eja gaa'me jo'ne Dios yapotena't, 'noota ta'le ja yecolaĝachiguilo ga'me jiyaĝaua.

Jesús yelochigui joñe'me nataq'aen 'uo da'me lichoĝodenataĝanaĝac, da'me 'yateguet: —'Uo ga'me maliaĝa ja aua'uo: cha'li 'uaeñe auemen yema ga'me jo'ne adeuoyaĝac, nataq'aen auanema jogaa'me jo'ne choĝodayaqolqa. Nach'eda naq'aeta da'me male 'uo da'me adeuoyaĝac jodi'me piyem. Yem qama'le auanaequena, nataq'aen jayem oquegue.

Jesús yenat joñe'me: —¿Jach'e ga'me jetaque am jee'tem? Ñe'me qanam 'yateguet: —Jaliaĝanec, jetaque yitaĝa jauanaac.

Qalaĝaja 'noota qom ja naq'aeta da'me dojo' queda'me mach'e ami, dite da'me ga'me jo'ne jetaque p'ajaye da'me ami, 'noota qom nach'eñe necochoqo't ena'uaque jogaa'me laqaya'.

Eja da'me ami ja'aĝatema, queda'me ga'me jo'ne ja yaconeguet da'me Dios lejaliaĝa ena'am da'me yacoteguet nat'olqa ñoqolqa, qama'le ja yaqanatet ta'le taue joda'me.

Qalaĝaja qayoĝode' gaa'me jo'ne 'uaediñe nayi, nach'egaua jo'ne p'atedegue qom'te. Nataq'aen qayoĝode' gaa'me p'atedegue nayi, nach'egaua jo'ne 'uaediñe qom'te.

Qalaĝaja da'me chiyoqochiñe jo'ne 'netaguec yema gaa'me uo'oe, “Dios ye'et ñe'me jiyaĝaua nataq'aen jañe'me yauo. Qo'che' ñe'me jiyaĝaua ca'e ñe'me let'a nataq'aen jañe'me lat'e, qaedi uaĝayet jaga'me loua ga'me jiyaĝaua, qama'le jogaa'me dojolqa ena'am da'me onolec jiyaĝaua.” Chane'eja male ja dojolqa dite da'me male onolec.