Populære bibelvers fra Biyiriki bya Bantumu 2

Peetelo waleele kuri bo ti : "Yiingeenu madyeele bubwo kaleeriri, na mosi mosi mu beenu kataambula mbotokulu mu nkuumbu ya Yisu Kiristo, mu mpemusunu ya masumu ma beenu, tumi lutaambula kikabu kya Mpeeve Yangisi.

Bobanso basyaama mu nyikusulu dza bantumu, mu kintwaari, mu mbukununu mpa, na mu nsaambulu.

Bobanso baluula mu Mpeeve Yangisi, na bo babaandika mu kudzoonso mandiinga makaka, bunu bwa baheeriri Mpeeve mu kudzoonso.

Nasisuu, kwayisa lusuku lwafumuna ku yulu, bunu kiteembu kyamakwa, kyaluulusa nzo yoyinso, yibaba badzakala. Milaka miri bunu mya mbaawu, myamonoko kuri bo, myakabuma na myasunduka ha yulu mosi mosi mu bo. Bobanso baluula mu Mpeeve Yangisi, na bo babaandika mu kudzoonso mandiinga makaka, bunu bwa baheeriri Mpeeve mu kudzoonso.

Mpisi kiluumbu, baba namitinaana, kuba mu kintwaari mu Nzo-Nzaambi, mu kubukuna mpa, na kukabula byandya ku nzo, badumusa Nzaambi, na bataambula bweese kuri kaanda dyodinso. Mpisi kiluumbu, Mfumu waba bweesaana, baatu babvuuka munsa dibuundu.

"Mu biluumbu bya manunu, bwaleeriri Nzaambi, me sa nyatsaamuna Mpeeve yaami ha yulu mpisi nde, na baala beenu bababakala, na babakyeetu sa babikula, bituuti sa bamono mamono-miisu, na binuni byeenu, sa balooto mandosi.

Bobanso basiiri kanyi, baba kibeendu kimosi, na byobinso byaba byantwaari, babayarikaana lubaku na bitotolo byaaku, na baba kabulaana mboongo kuri bobanso, bunu bwaba manzala ma mpisi muutu.

Haho, mpisi wunde wuteele nkuumbu Mfumu, sa kaba wabvuukusu."

Ntaangu sa yakituka mampimbisi, ngoondo sa yakituka makila, tekesele kiluumbu kyakinene, na kyansisi kya Mfumu kikwiisa.