Populære bibelvers fra Di Mulakata 6

Del

Jaji manasal jaji i Yahuwe kole’a dapolana anak mantuariin di duniaan. Susa tapat atena.

Jaji barik i Yahuwe mamele lo’a duniaan, saja ajau’ jaji ambata basana tau di duniaan. Samuana ambata pikiran atena, manuju lo’a jalu ajau’en lapoang.

Poangsi baki’ Nuh dinen dakamainya’i kole’a i Yahuwe.

Jaji kenang tutulan tio’a baki’ Nuh dinen. Samuana dadaran tio’a, kosan sabangonen nanna, yang kosanen kasala’anna. Tau tapaten dinen baki’ Nuh, tau tio’ sarilao’ nanna Alatala.

Jaji manjarum barik, “Gulungan anak mantuariin di’en yang kupolaan, to’ kutampusi. Mainto’ akausa mate yang ibona tana’en. Gulungan inatangen, gulungan jalu meleten, gulungan burung mainsapen, kuduno’ samuana. Manasalak jaji kole’a kupolana,” ingka kenang jaruma i Yahuwe.

Jaji barik insang bayu’ anak mantuariin di duniaan, bayu’ bea anak babainyeen daparanakangen. Jaji ira kanturunan tau paduliin lo’a Alatala, dabele barik anak tau bokanen, gulungan anak babainyeda’, maam kausa batora dabelena. Jaji dala barik datiang bainyena, bele poang kamainya’anna. Jaji barik manjarum i Yahuwe, “Anak mantuariin di’en mawa panamu diri’a lapoang. Bapu’ Sumangatku’ panaaten. Na’an kupalaloang awan dinen ulu’-ulu’. Suma kupalaloangpi de’i lo’a dinen anak mantuariin sampai saratus dua pulo’ taunen,” ingka kenang manjaruma i Yahuwe. Jaji nanga sarilao’a tau paduliin lo’a Alatala nanna babainyeen de’i, sarata mandua’ang anak, waktu nanga dinen andian bea dinen suku baraa balangkeen dinen yang iasanen raksasa. Andian bea imundina tatakda’ dinen. Ia bea suku dinen yang dasanen kole’a tauen, tau yang baraniin, tau yang ikatakutangen.

Jaji barik samuana dinen dalola’ani kausa kole’a baki’ Nuh, awan bua paba’ina Alatala.

Jaji barik manjarum Alatala lo’a baki’ Nuh, “Maminak mala kaputusan. To’ kutampusi barik, kukausang gulungan anak mantuariin dinen nanna galung duniaan. Kole’a dunia di’en garang kole’a bayu’a kajau’anda’ dinen,” ingka kenang.

“Jaji daiko barik, arung polaang kalenu timbauen. Timbauen dinen dari kayu yang bananasen. Ilalama barik arung ipolaang sapata,” ingka kenang. “Jaji insaluanna dinen itagi nanna karuwinen, kenang bea ilalama.

Alatala mamele inang, mamin bauruk ka’ada’anna. Kole’a ambata anak mantuariin mamin polaang kalena kajau’an.

“Jaji daikin barik kupaba’ang lo’in. Samuana dinen gulungan inatangen awa ikin kausa nannin, iawa dua-dua nanna lakunyena kira baranana. Ikatio’ nannin inang di timbauen.