Populære bibelvers fra Kyenesis 37

Del

Dii ninwii Yosef lasɛ kɔlaafɔ, ni aatɔkɔ babilɛma suɔtɔbi kɔlaafɔ nwu, mia nwu nfɛ baakyidi nwɔ baakyakaa nɛ.

Israel labɔmbɔ Yosef aalenkee babisuɔtɔbi nɔɔ bule, diekye baalofo nwɔ baatɔɔ di obe wɔ atoobe ni kamɛ; ni aakaa akpeele wua aatɔɔ nɛ.

Obe wɔ di babilɛma suɔtɔbi lanya alɛ ote lɛma mbɔmbɔ nwɔ anlenkee ni bamuu lɛma yi, baakyidi nwɔ, batatɔɔkakatɛ ko nwɔ ku sɛlɔ biene.

Nni sɛmaa aakple aasɛ kɔlaafɔ bamba, ni aatɔkɔ babilɛma suɔtɔbi nɛ. Aatɔkɔ ma alɛ, <<Binu lo, lakple lasɛ kɔlaafɔ bamba. Di kɔlaafɔ ko mmle kamɛ, kufĩ ku kɔwɛntɛ ku awɛntrɛbi lefosi ninwii latɔɔwa kasɔ baatɔɔtɛɛ.>>

Nioso babilɛma suɔtɔbi anu lasɛɛ ma di suoto nɔɔ, kafɔɔ ote nnwɔɔ aatoobu kɔlaafɔ nwu nkpo disi.

Aatɔkɔ ma alɛ, <<Binu kɔlaafɔ ko lasɛ ni: Buatoonii ni kamɔɔ buatɔɔtɛ ni koofe, nfanwu ɔmɔɔbuu nii niataka kuayila wlɔlɔlɔ, ni di sɛmɔɔbuu lee labamana ole mi siakyi, ni siawa kasɔ siatɔɔ nɛ.>>

<<Biwa biɛta bulo nwɔ nunua buofuki nwɔ bukpee di abiɔ ya mmle ninwii kamɛ, buobuɛ bulɛ bɔkɛɛ kplɛ onwii niɛbɛbɛɛ nwɔ eewee. Ni bubanyu lɛsaa le nimadie ninkye ni alaafɔ nɔɔ nwu kamɛ.>>

Nioso obe wɔ di Midian batii basaasunsũtɛ lawa nii, Yosef babilɛma suɔtɔbi ladiki nwɔ di dibiɔ nwu kamɛ, ni baasunsũ nwɔ baata Ismael batii ku koto fututu afosi anyɔ, ni di Midian batii nwu lakpaa nwɔ baasifiko Egipte nɛ.

Baabuɛ baatɔkɔ bawo alɛ, <<Nya alaafɔsɛtɛ nwu nkpo nikɔwa nɛ!>>

Kafɔɔ babilɛma suɔtɔbi lanyɔɔ kaakyonkɔ, fiɛ aabadu ma nii, batoobuɛ bɛɛtɛ alɛ babalo nwɔ.

Ni di Ruben latɔkɔ ma alɛ, <<Bitanwii ntɔ kunwii kaasɔ. Bifuki nwɔ bikpee di dibiɔ le mmle kamɛ di ɔfaafuu wɔ mmle, kafɔɔ bitankpanko nwɔ.>> Ruben labuɛ nkpo alɛ aafũ nwɔ nkpa ankpaa nwɔ ankyɛnko ote.