Populære bibelvers fra GAL 5

Del

पण पवित्र आत्मा तीकेल उत्पन्न आय्येय फळलु इ उंडाय: प्रेम, आनंद, शांती, सहनशीलता, ममता, चांगुलपणा, इमानदारी इंगा नम्रता इंगा इंद्रियदमन; इटला विरुद्ध यादुच नियमशास्त्र लेद.

दिनिचांग निन मिक शपतान, पवित्र आत्मा लेका नडना, आंटे मीर देहवासना पुर्ण शेयाक फोयार.

मनाम जर पवित्र आत्मा सामर्थ्यता जगास्ताम तर मनाम आत्मा प्रेरणाताने नडवाला.

यवार ख्रिस्त येशुला उंडार वार शारीरिक भावनाल इंगा वासनाल जताक देहस्वभावनी क्रुस मिंदा खिळाशीनार.

इप्पुड देहस्वभावी फनुल प्रकट उंडाय, आंटे व्यभिचार, घान फनुल, कामातुरपना, मुर्तीपुजा, जादुटोणा, वैर, जगडाम, इर्ष्याम, कोफाम, विरोध, फुट, गट, द्वेष, सराय तागेद, दंगल इंगा इटला लेका इंगा; इटला बद्दल निन यल्ला पहिला शप्पीन्टीन आल्ले इप्पुड पण शपतान की, इ माटलु शेशेतोरकी परमेश्वर राज्यद वतन शिक्काक फोई.

येनटीक की आक्का तम्मुळ्ळालाला, मिमलान स्वातंत्र्य इचांग फिल्चेदेंक वच्चीनाद. तरी आ स्वातंत्र्यता देह वासनालकी संधी इयाकुंडा. पण प्रेमता वगामेगारदी सेवा शेयना.

येनटीक की देहवासना तर पवित्र आत्मा विरुद्ध उंडाद इंगा पवित्र आत्मा देहवासना विरुद्ध उंडाद; इर इद्दार पण वगामेगार विरुद्ध उंडार, दिनिचांग मीर येम पण शेशेदेंक सुस्तार आदी शेशी शकायार.

येनटीक की, “यल्ला स्वता मिंदा आल्ले नी शेजारी मिंदा प्रेम शेय.” इ वक्का वचनला आंता नियमशास्त्र पुर्ण आयताद.

मनाम घमंडी आय्यी, वगामेगारनी चिडाया मताराद इंगा वगामेगारदी इर्ष्याम शेयाराद.

इ स्वातंत्र्य इचांग ख्रिस्तड मनालनी मुक्त शेशीनाड आंका मीर टीकाशी उंडना इंगा वापस दासत्व जु किंदा दाकुंडा.