Populære bibelvers fra Aromayi 8

Njesnu yi kpəlo nge fyi n aɓo vnyanya Shekwoyi zhni aɓo amanai ga aza yi nu n ɓa ye wo, aza n a la ɓa yi, vyi əwo ɓəmwi.

Ntuge kwo la mi kwnuawye; kwo əfyí kwo wyewyeyi, kwo amaləka kwo ase, kwo anya n ɓa lo nsaiye, kwo anya n ɓa ye ɓeɓelo n abye, kwo kalá dəhodəhoi, kwo àsna kwo agyiloloi, kwo nyaho n shnasnu n anyazhnizhni vnyanya, n ɓa ɓá myi ɓa gna yi aje n yeye Shekwoyi nyai, n kwo dnalo ń Kirisiti Yeisu əyi Dagayi nyi m.

N ɓwasnu n zokwo ye, Zafnu bma yi zhni fyi n əyi akalágba. Yi ta kpe əɓo əye n yi ɓa zhniaduwa ntu əkwo ɓo m, ama Zafnu n əwohni tukwoi, wo gbimì ga yi n əmìdoi n ɓədagbma taa shni kwo da m.

To, knyiɓei nu n yi ɓa dnagbe ntu aɓo ye ɓo a? N Shekwoyi gnyigwu yi lo, nyika nu ɓa gnyiapaapa n yi a?

Ntucenu, knyiznu to lo ntu aza yi ɓo n ɓa fyi ń Kirisiti Yeisu m

Bwugba ń nayi nu gyibe tu ń kwo, kwo zhni fyifyiyi nu, ama bwugba ń Zafnu nu gyibe tu ń kwo, kwo zhni wyewyeyi nu n bwugbafui.

Aawo, kpe n aɓo ye vnyanya, yi du anasalagyiyi lo, ntu əwo ɓo n wo ɓə ye yi nyi.

Mi zhninubwo lo nge azhnìgye nsayi nya to kwnuce lo a mwudo n latui n a ɓə kpeyawu ga yi nyi m.

Nyika nu ɓa gná yi aje n Kirisiti yeyei a? Azhnìgye nu, kwo əɓoɓədna kwo awyesnugbegye ɓo kwo myikwnu nazhii kwo ɓwotoloi kwo ɓwawu kwo əbeyaakwo a?

Njesnu əza n wo pmi əyi adu nyi, wo kpe Zafnu bwugba əye lo, ntuge Zafnu gbimì ga Shekwoyi aza, n vyi Shekwoyi ɓəye nu.

Ntuge aza yi ń Zafnu Shekwoyi nya nu wu ɓa zokwo, əɓa nu zhni Shekwoyi aɓyi.

Aza yi n ɓa gyianyì vyi nayi ɓəye, ɓa n əɓa abwugbai zhi ń anya ɓo nu ń nayi n əɓa apwawoi; ama aza yi ń ɓa gyianyì vyi Zafnu, ɓa ń əɓa abwugbai zhi ń aɓəpwawo Zafnu nya nu.

Əza ń wo to ɓə kna əwo Nugwnu ya gnyi m, ama waa wo taya ga ntu əyi ɓo vnyanya; kwo ɓa zè n wuna, ń wo to ɓə kwnu yi anyaga vnyanya, ɓədo n woi dna ń snusnugye ma a?

Zafnu n əwohni tukwoi, wo gbmiɓo lo n əyi zafnui nge yi zhni Shekwoyi aɓyi nu. Nsaiye ngye yi zhni aɓyi nu, a gye yi zhni abeɓyi nu. Shekwoyi abeɓyi, jesnu abeɓyi n kwnusnu n Kirisitii, ndəi ɓəhnihni yi ɓa kwnu azhnìgye nabai ń yi ɓə kwnu agbmada wo, əwo latu nya.

Bwugba ń nayi nu gyibe tu ń kwo, kwo pyenapyepyei n Shekwoyii; kwo ta ga əkwohni kwa shi Shekwoyi owa ɓwa m, kwo nyi taa myi n əkwo ɓwashi m.

Ntuge nyazhnizhni gnyilo kwoi pmi n awyetui nyipyei ń Shekwoyi ɓəə kwnu əwo aɓyi wu.

Yi kpəlo nge nyazhnizhni vnyanya gnyilo kwoi domì, ngye ɓyimanyasna nya nsaiye.