Populære bibelvers fra Jenesis 4

Del

Sipos fasin blong yu i stret, bambae mi mi glad long yu, be fasin blong yu i no stret. Mo from samting ya, sin blong yu i olsem wan wael anamol we i stap klosap long doa, i rere blong kakae yu. Fasin nogud ya i wantem tumas blong winim yu, be yu yu mas winim hem.”

Nao biaen, Set tu i bonem wan pikinini boe blong hem, mo i putum nem blong hem se Enos. Nao long taem ya, ol man oli save nem ya blong God se Hae God, mo oli stat blong yusum long wosip blong olgeta.

Nao biaen, Hae God i askem long hem se, “?Wehem brata blong yu, Ebel?” Be Ken i talem se, “Mi no save. ?Yu ting se i wok blong mi blong lukaot long brata blong mi?”

Nao Hae God i tok long hem, i talem se, “Ken. ?Wanem samting ya we yu yu mekem? !Yu lesin! Brata blong yu i ded finis. Blad blong hem i ron i go long graon, mo blad ya i stap krae long mi yet blong mi stretem samting ya.

Be Hae God i talem long hem se, “Nogat. Sipos wan man i kilim yu, be bambae seven man oli mas ded from.” Nao hem i putum wan mak long hem, blong man we i faenem hem bambae i no kilim hem.