Populære bibelvers fra San Matew 27

Del

Loj horzii gurixdiajman rejs daꞌt, rëbaman: ―Elí, Elí, ¿lama sabactani? ―rën guiëban: Dios, Dios, ¿chexc zeel gulëëladxil naj?

Loj hor zii goxyaꞌ lajd nal lën yadooroꞌ Jerusalén gojcan tioꞌp lalaꞌ, diizd guijc guin xt guiaꞌ guin goxyaꞌ. Abiꞌ guxu, gulaꞌ tëë ree guiajroꞌ. Guiáad ree baa bixal reen, abiꞌ zien ree bejn bén na̱j xbejn Dios, bén ma güjt ree baban.

Zianz gurixdiaj Jesús rejs daꞌt stijb, dxel güjtaman.

Dxel suldad rniabee ree suldad në gra ree suldad zaꞌnëman yagaj canaj reeman Jesús, chi baguiaa reeman caxu në gra ni cayajc, dád bidxeb reeman abiꞌ rëb reeman: ―Walican Xiꞌn Dios bén guin.

Dxel diizd garol dxej bicajy loj guidib guidxliuj, xt raca choon wadxe.

Abiꞌ rëb Pilato loj reeman: ―¿Xhieza günnëꞌn Jesús, bén rëb ree bejn na̱j Cristo? Badxiꞌ gra reeman laan rëb reeman: ―¡Bacaaman loj crüjz! Abiꞌ rëb Pilato loj reeman: ―¿Xhieza ni mal beenman? Per laa reeman mazri rejs rbixdiaj reeman, rëb reeman: ―¡Bacaaman loj crüjz!