Populære bibelvers fra Lomɛ́ŋ 6

Á kiákí ɛ́ɛ́ pinamá pí kifal pínyɛɛ́ niku; maná nupoo nutiányípá na pinamá, nú Támbák núnyɛɛ́ kusɔ́t kú teeníík ne nííkée á nipílat ne Yésus Kilíis ɔkɔ́n waasɔ́.

Nutikápá á kipia kí kifal, aná nutiányíkápá á kipia kí kikotí, nukanyi á kipia kí ɔtɛ́m peseé ú Támbák.

Kí induén ikáánɛ́ kɛ́ɛ́yɛ́ é niku pótúnyo nɛɛyɛ́, aná Kilíis mɛɛ́nyɔ́k á pilɔ́ŋ á pukaaka pú nukúm nú Támbákɛ́ɛ Síí númenyí wɔ, ɛ́ɛ́ túsɔ́tɔn kusɔ́t kuukɔ́si.

Nutiandá kuák tuɔ́l tuánɔ́ ó puɔ́lí pú kifal ɛlɛɛ́ ɔŋɔŋɔ́ yɛ́ kuɛlɛ kilɔk, maná ɛ́nuɛ́lɛ́ epú punyɛ́ indɛ́ndɛ́nɛ núond nuɛ́lɛn Támbákɛ́ɛ puólí ɛlɛɛ́ epé pémeékú póókoond pɛ́ɛnyɔk á pilɔ́ŋ.

Ɛ́nyɛɛlɛ́ túɔ́p pú peseé ké peseé. Ɛ́ɛ́ pɔ́mɔtɔ́ndɛ́n etényí wáásɔ́ ú pumɔɔndɛ ú insúá ó kolóse ne Kilíis, ɛ́ɛ́ etényí wáásɔ́ ú afalfál katɛk tutiandá apá kiɔ́lí kí kifal.

Puandá púmoómí panɔ́ kákáánɔ́ ánupítákɛ́t ɛ́ɛ́: Numekú á kuátukan na kifal, nuɔ́sɔ́tɔn ó pusíó pú Támbák á nipílat ne Yésus Kilíis.

Kiákí túɔ́yitɛ́ ɛ́ɛ́. Tuɛ́kɛɛsikɛnɛn ɛ́ɛ́ túlɔp á kifal ɛ́ɛ́ peseé u Támbák pá naasɔ́ puólíkóoli á? Aákóo! Ó pusíó pú kifal tunyɛ pékuen. Tiɛkiɛ́ tunyɛɛ́ pákuand ɔlɔp á kifal?

Nutipá numenyene ɛ́ɛ́: kisikɛl nukɔtɔnɛ́ sɔ́k ɛlɛɛ́ kiɔ́lí ɔ́ɔ́kɔɔ́pinɔn wɔ, nuɛ́kɛɛ́yɛ́n piɔ́lí pí ewú nuɔ́pinɔnɛ́ wɔ, kúnyaánɛ nunyɛ piɔ́lí pí kifal kí yuukesíé é niku, kúnyaánɛ nuɔ́kɔɔ́pinɔn Támbákɛ́ɛ uyuukesíé ɔ́ kusɔ́t kú indɛ́ndɛ́nɛ á?

Tuékenyi Támbákɛ́ɛ ilémbie: numapá kiɔ́lí kí kifal, maná nínúan núɔ́pɛn nɔ ɔtɛ́m wáánɔ́ kitikit kí iŋónyítónyí panɔ́ peem numaátáŋáp. Támbák manuáŋɔ́n á kifal, nuetúmu ɔ́ kukɔtɔn epú punyɛ́ indɛ́ndɛ́nɛ.