Populære bibelvers fra GALATƏ 5

Del

Banī Ndíl a ojə i tár ō, rɔ̄nel̄ ō, kem sɔl̄ lɔm ō, tə́gā ta ō, kem ndaa ō, kem majə ō, taā kem ō, dɔ sɔl̄ ō, kəhɔ rɔ̄ ō. Ndū najə̄ mbātə́ yá̰a̰ gə̄ ń noō alé.

M-ə́dásí ɓáý to̰, ə́ya̰ī ādī i Ndíĺ kə́ Táĺ ɔjəsí loo rāā yá̰a̰, ba ī-lōōī rāā yá̰a̰ gə̄ ń dā̰ rɔ̄sí gḛy ní.

Ré jə-ndiī kə kumjí i kə ta kūl̄ Ndíl anī, ādə̄ jə-rāāī yá̰a̰ i gō yā Ndíĺ tə́ ō.

De gə̄ ń nin̄ i yā Kərist ní, əndan̄ rɔ̄də́ kə máyá̰ tū kāgə̄ kə́ dēsə́ tə́, adə̄ nin̄-oyn̄ naā tə́ kə ngur yá̰a̰ gə̄ kə́ kemdə́ tə́.

Ī-gerī loo kɔjə ń dā̰ rɔ̄jí a ɔjə kəla rāān gə̄ kə̄ ndágá ní mbak: I tū rāā kaya tə́ ō, rāā yá̰á̰ kə́ yḛr gə̄ tə́ ō, rāȳ tə́ ō, rāā ɓesə̄ tə́ ō, rāā kəga tə́ ō, kim̄ naā tə́ ō, míndə kasə naā aĺ tə́ ō, kəndā naā nii tə́ ō, rāā wōn̄g tə́ ō, rɔ̄ɔ̄ naā dɔ yá̰á̰ tə́ ō, kɔ̄l̄ naā tə́ ō, gán̄g de gə̄ naā tə́ ō, ndə̄ngā yá̰a̰ tə́ ō, ka̰ȳ kasə ngá̰ý tə́ ō, kəsa wa tə́ ō, yá̰á̰ kə́ rang kə́ tītə̄ ń noō gə̄ tə́ ō. Sḭḭ̄ ngé rāā yá̰á̰ gə̄ ń noō ní, ādə̄ m̄-tāāsí tītə̄ ń m-ə́dańsí kɔ̄ɔ́ ɓá ní, a údiī kem Ɓē ko̰o̰ yā Nə́ɓā tə́ alé.

Sḭḭ̄ ngákó̰ó̰ḿ gə̄, Nə́ɓā ɓāŕsí i kadə̄ sḭḭ̄ i kɔ́ɔ̄ rɔ̄sí gə̄. Ɓá tā ba, ī-lōōī kun kɔ́ɔ̄ rɔ̄ɔ̄ ní kutəń gidə rɔ̄sí ba rāań yá̰á̰ ń dā̰ rɔ̄sí gḛy ní. Banī ī-rāāī kəla ādī naā kə tárá.

Tɔdɔ̄ yá̰a̰ gə̄ ń dā̰ rɔ̄sí gḛy ní, i yá̰a̰ gə̄ ń Ndíl gḛy ní alé. Tá yá̰a̰ gə̄ ń Ndíl gḛy ní, i yá̰a̰ gə̄ ń dā̰ rɔ̄sí gḛy ní aĺ ɓáý to̰. Adə̄ nin̄-mbātə́n̄ naā, i yā kadə̄ sḭḭ̄ ásiīń rāā yá̰á̰ ń kemsí ndigə ní alé.

Tɔdɔ̄ ndū najə̄ gə̄ malang i tū najə̄ kə́ kógə̄ḿ beē ń toō tə́: Ī-tár deē madí tītə̄ ngarān̄g kum rɔ̄í īkɔ́ beē.

Jə-lōōī kɔjə rɔ̄jí ō, kadə̄ naá wōn̄g, aláa kəndā naā nii ō.

Kərist gān̄g dɔjí i yā kadə̄ jḭḭ̄ i kɔ́ɔ̄ rɔ̄jí gə̄. Ní, ə́hɔī rɔ̄sí tɔgə ba ī-lōōī kəla dɔsí gír ɓəloó gogə́ ɓáý to̰.