Populære bibelvers fra EPEJƏ 4

Del

Ī-rāāī majə kə naá ō, ādī kumsí o̰o̰sí kə madə̄sí gēé ō. Ī-mā̰yī rɔ̄sí dɔ naā tə́, tītə̄ ń Nə́ɓā mā̰yń rɔ̄n dɔsí tə́ sɔɔ̄ń ɓoo naā yāsí kə Kərist ní ō.

Ɔ́jiī rɔ̄sí aĺ ō, ādī dɔsí sɔl̄ ō, ə́reī wursí njam ō. Ī-tə́gāī tasí dɔ naā tə́ sɔɔ̄ń táŕ kə́ ī-táriī naā ō.

Ādī najə̄ kə́ majaĺ teē tasí tə́ alé, banī i najə̄ kə́ majə tá, yā kadə̄ ngé gə̄ ń oōn̄ ní rāā majə sedə́ ō, aw̄n̄neé kum kə̄ kété ō.

Ādī wur katə̄ ō, kum kil kóróró ō, wōn̄g ō, lur ō, tájə̄ ndū ō, kem ndul kə́ tayā tayā gə̄ ō, gətóon̄ dɔ dáńsí tə́.

Ré wōn̄g rāāsí anī, ī-lōōī rāā majaĺ, ādī mbang udə dɔ wōn̄g yāsí tə́ alé. Ādī diabəl ta róbə kadə̄ o̰o̰ń ɓē dɔsí tə́ alé.

yá̰á̰ kə majaĺ gə̄ ń ī-rāāī kété jóó ní, majə kadə̄ ī-lōōī gírí. I beé n ā ī-lōōiń gíŕ háĺsí kə́ jóó tə́ ní. Tām̄ yá̰á̰ kə́ majaĺ gə̄ ń gólə̄n̄sí kété ní, a nujən̄ i deē. Əya̰ī ādī Ndíĺ ń adə̄n̄sí ní rāā gír̄ yāsí adə̄ téĺ kə́ kijə. Úniī gō hál de kə́ kijə ń Nə́ɓā əndān kadə̄ teēn ní: I de kə́ gōtə́ ō, kə́ táĺ ō, kə́ kə ta kūl̄ najə̄ kə́ rɔ̄kum.

Kem kógə̄ḿ ń Ndíĺ kə́ Táĺ rāā adə̄ to dɔ dáńsí tə́ ní, ə́hɔī rɔ̄sí tɔgə ba ī-rāāī ādī to gotoó kə ta kūl̄ ndi kə naá kə kem kə́ sɔl̄ lɔmɔɔ́, tām̄ kem sɔl̄ lɔm i yá̰á̰ ń a do̰ō̰sí naā tə́ ní.

Ba yá̰a̰ gə̄ ń ni-adə̄ de gə̄ karī ní, i ngámbang kəla gə̄ ō, ngé koō ta gə̄ ō, ngé kɔjə Najə̄ kə́ Majə yān gə̄ ō, ngé ngɔ̄m̄ yá̰a̰ kul̄ gə̄ ō, ngé ndóō de gə̄ yá̰a̰ ō. I tītə̄ ń noō n ni-rāań adə̄ de gə̄ yā Nə́ɓā asənə̄ń rāā kəla yān ní, yā kadə̄ ngé kán̄ naā gə̄ ń i rɔ̄ Kərist ní tɔgənə̄ń, bátə́ kadə̄ jḭḭ̄ malang ní taā kem yājí i kógə̄ḿ beē ō, ger̄ Ngōn̄ Nə́ɓā yājí i kógə̄ḿ beē ō. Loo ń noō tə́ ní, j-a jə-téliī de gə̄ kə́ jə-tɔgiī j-asiī naā kə Kərist ō, jə-majə j-ɔtī kə taá tītə̄n ō.

Loo ń noō tə́ jḭḭ̄ i ngán gə̄ kə́ bəngál man̄ səlādə́ kə̄ yóō kə̄ laā to̰ aĺ ō, nél yá̰a̰ ndóō kə́ tayā tayā gə̄ dáȳ sedə́ aĺ ō, jḭḭ̄ i ngán gə̄ kə́ ngé gól̄ de gə̄ kə ngam yādə́ kadə̄ ndúmə̄n̄ ní gólə̄n̄jí aĺ ō. Banī j-a j-ədaī najə̄ kə́ rɔ̄kum kə tárá, adə̄ j-a jə-tɔgiī tū yá̰a̰ gə̄ tə́ malang kum kə̄ rɔ̄ nge ń ni i dɔm dɔ ní tə́, adə̄ i kum kə̄ rɔ̄ Kərist tə́.