Populære bibelvers fra KOLOSƏ 3

Del

Ī-tə́gāī tasí dɔ naā tə́, ba ré de kə́rēý i kə najá kə madə̄neé anī, ī-mā̰yī rɔ̄sí dɔ naā tə́. Tītə̄ ń Kɔ́ɔ̄ɓē mā̰ȳń rɔ̄n dɔsí tə́ ní, ī-rāāī tītə̄ ń noō ō.

Ādī gír̄ yāsí i dɔ yá̰á̰ kə́ dɔɔ́ gə̄ tə́, ba kadə̄ i dɔ yá̰á̰ kə́ dɔ nang tə́ gə̄ tə́ alé.

Ādə̄ kəla ń ī-rāāī ní i rí rí gə̄gē anī, ī-rāāī kə kem kə́ majaá tītə̄ kə́ i tām̄ yā Kɔ́ɔ̄ɓē tə́ beē, ba i tām̄ yā de gə̄ tə́ alé.

Sḭḭ̄ ń Nə́ɓā gə̄rāsí ō, sḭḭ̄ ń i deē yān gə̄ ō, ni-táŕsí ō ní, úniī kum ko̰o̰ kə́ tām̄ yā madə̄sí gə̄ tə́ ō, rāā majə ō, kɔjə rɔ̄ aĺ ō, sɔl̄ dɔ ō, tə́gā ta ō, ə́laī rɔ̄sí tə́ tītə̄ kūbə̄ beé.

Kadə̄ Najə̄ yā Kərist ndi kemsí tə́ kə yá̰a̰ kənge kə́ tū tə́ gə̄ malang. Ī-ndóōī naā ō, ɔ̄jī naā ō, kə kum kedēé ngá̰ý. Ādə̄ Nə́ɓā rajəsí ba rāā adə̄ ə̄nīī pā gə̄ kə́ ton̄ kem makətūbə̄ pā gə̄ tə́ ō, pā gə̄ kə́ sḭḭ̄ kɔ́ gə̄ ī-rāāī ɔ́siīneé gɔnən ō, pā gə̄ kə́ Ndíĺ kə́ Táĺ əndā tasí tə́ ō, kə ngarān̄g kemsí gēé malang ādīin̄. Ba yá̰a̰ malang ń ā ə́daī ō, kəla malang ń ā ī-rāāī ō ní, ə́daī ō, ī-rāāī ō, kə rī Kɔ́ɔ̄ɓē Jeju. Ī-ndadī Bɔbə̄jí Nə́ɓā kə ta kūl̄neé.

Ba ə́laī tár tītə̄ kūbə̄ beé dɔ yá̰a̰ gə̄ ń noō tə́ malang. Tɔdɔ̄ tár to i tītə̄ kəlā kə́ do̰ō̰ de gə̄ naā tə́ majə ngá̰ý beē.

Dan ń sḭḭ̄ i kə́ Nə́ɓā ndól̄sí naā tə́ kə Kərist kɔ̄ɔ́ ɓá ní, majə kadə̄ ā ī-sāāī yá̰á̰ kə́ dɔɔ́ gə̄, loo ń Kərist ndi tū tə́ dɔ jī ko̰ Nə́ɓā tə́ ní.

Ādə̄ kem sɔl̄ yā Kərist o̰o̰ ɓē kemsí tə́, tɔdɔ̄ Nə́ɓā ɓāŕsí kadə̄ ī-téliī de kə́ kógə̄ḿ beē gə̄. Ī-téliī ngé ndadə̄ Nə́ɓā gə̄.

I beé ní, ə́ya̰ī háĺ kə́ majaĺ kə́ dɔ nang tə́ laā kɔ̄ɔ́, adə̄ i sāā naā loo kaya tə́ ō, i rāā yá̰á̰ kə́ yḛr gə̄ ō, i ngur yá̰á̰ kə́ majaĺ gə̄ ō, i ɓō yá̰á̰ kə́ majaĺ gə̄ ō, i rāā ta nar ń rāā rɔ̄n i rɔȳ ɓesə̄ tə́ ní ō.

Tɔdɔ̄ sḭḭ̄ i de kə́ koy kɔ̄ɔ́ gə̄, adə̄ ī-ndiī kə kumsí i loo ɓɔ̄ɔ̄ rɔ̄ tə́, naā tə́ kə Kərist kem Nə́ɓā tə́.

Ba ngɔlaā ní ə́ya̰ī yá̰a̰ gə̄ ń toō kɔ̄ɔ́ malang: Wōn̄g ō, kum kil kóróró ō, kem ndul ō, tájə̄ ndū ō, ādī najə̄ kə́ to rɔ̄sɔl̄ teē tasí tə́ aĺ ō.

Ī-lōōī kəda naā najə̄ kə́ sor̄ gə̄. Əya̰ī háĺ kə́ jóo kɔ̄ɔ́ kə yá̰a̰ rāān gēé, Banī úniī háĺ kə́ kijə ə́laī rɔ̄sí tə́ tītə̄ kūbə̄ beé yā kadə̄ ī-gerīneé yá̰á̰ kə́ kijə kə dɔ ndɔ̄ gə̄, kadə̄ ni-toń tītə̄ nge kəndān beé.

Sḭḭ̄ dəngam gə̄, ī-táriī nə̄yá̰sí gə̄, ādī wursí atə̄sí sedə́ alé.

Ngán gə̄, ōōī ta bɔbə̄sí gə̄ ō, kó̰ó̰sí gə̄ ō, tɔdɔ̄ i ngé ń noō n nel̄ Kɔ́ɔ̄ɓē ní.

Sḭḭ̄ dəyá̰ gə̄, ī-sɔlī dɔsí kə̄ no ngaasí gə̄ tə́, tɔdɔ̄ i yá̰á̰ kə́ gō tə́ tām̄ yā ngé gə̄ ń ɓoon̄ naā kə Kɔ́ɔ̄ɓēé ní tə́.