Populære bibelvers fra Roomawa 5

Del

Ama Ɗalapa tasiu nɔgbete au ɔriuyɛ tɛttɔ sidi jo ɗagbete u doo shɔ ruuvini Kirisi vɔ au yuu!

Sisɨn pɔ̃nɛm yɛ ɗakiu ɓa, Ɗalapa tẽeriu ɔrinɛ tɛttɔ au sisɨn piti kpai a kaa Suru wɔsɔ-wɔsɔ gbete Ɗalapa ãu yɛ.

U baasi wɔ sɔ̃njo au yɛti raɓoonɛ, aru gbete u zɛ tɛttɔ raɓoonɛ n ti sisɨnmanɛ, Ɓa ukɔ sheeli ɓa, u ɗɔgbete u nta tɔ̃vɨn au yɛti raaɓonɛ, aru gbete u zɛ tɛttɔ nɛ raaɓonɛ ukɔ n ti gɨn maanɛrɛ, gɨn maanɛ ukɔ pɔ̃rɛ Ɗalapa sɨ naa a shɔ vishonɛ, au naa sɨnɛkɔ n ti sisɨn pɔ̃nɛrɛ.

Dɔdɔrim u ɔ̃ tɛ a Ɗalapa ɗekɨn a tɛttɛ sisɨn ãnɛ, u ɔ̃nɛ binyatɔ̃nɛ a Ɗalapani a kaa Uɓeyelapa Yesɔ Kirisi. Ɗalapa a nyaba sisɨn ãnɛ n-titɛ u kpaa vishonɛ tɔ̃vɨn au kabii, gbete dɔdɔrim u ɔ̃tɛm. Aru gbetenkɔ u ɓasi kɛkn a sisɨn pɔ̃nɛ a vigbete u yɛ kpaa a yɛti Ɗalapa bassinɛ yɛ!

Aɗagbete u shɔ naa pɔ̃sinɛ si ɓa, Kirisi vɔ shɔ lanɛyi yuu aɗagbete Ɗalapa lɔɔ yɛ.

Nagbete u kpaa ɔ̃nɛ tɛ a Ɗalapa ɗekɨn au ruu kpaa gbete tɛɛyɛ, u yɛ kpaa naa ranɛ yisinɛ kɛpi kovi a Ɗalapa yɛti lɛsinɛ ni vi au kabii ni viya?

Ji nagbete a shɔzɛ gbete yuu shɔ ɔ̃ shɔ ruuvini piti kpai aru gbete au bɛsi Ɗalapa nya, sɔ̃nji nyabankɔ shɔyɛ pɔ̃rɛ i ɔ̃ a Ɗalapa ɗekɨn a shɔzɛ gbete yuu Yesɔ kirisi.

Ama Pɛ ɓa shɔmkɔ kpai ɓa, u ɗɔ binyatɔ̃nɛ ntanɛ aru vigbete Ɗalapa pɛliyɛ a kaa Uɓeyelapa Yesɔ Kirisi, shɔgbete au dɔdɔrim risiu Ɗalapa ɓɛsayi.