Populære bibelvers fra matiyu 24

Del

Aruumkɔ ruu kɔ̃linɛ yɛ sãti koo waanɛ gbete yɛ pɔ̃ shɔzɛ waanɛ i ɓɛzɔɔ ruubii ɔrinɛ rɛ. Ama shɔgbete kɛ shinɛ dɔɔ kaziti yɛnɛ lee nya sɔ̃nɛ yɛ raa naa tɔ.

Shɔyɛ nwa Ɗalapa nya ruu bi piti kpai a koo aru Ɗa kpati roone, aru shɔ shinɛ laduru piti kpai, kɛdɔn koo yɛ yisi nya kɛkn.

Ɔ yɛ ntaa ruu sɨng aɗɔ māāni a ɗɔɔ kpɛlɛ ni, ama ɔkɔɔ nta setinɛ. yukɔnɛm piti kpai yɛ ɔ̃tɔ, ama ji tasiɓa nɛ koou sɔ̃ɔ̃nyatɛ gboti ɓa.

Shɔgbete i a tipi wɔɔ iyɛ waa ɓaa a shɔ tipi wɔɔ, shɔgbete i kpati dɔlaa wɔɔ i yɛ waaba ɓɛzɔ̃ kpati dolaa wɔɔ. Shɔzɛ iyɛ vɔli waanɛ aru wɔ̃ɔ̃. Vimkɔ yɛ ɔ̃ naa jaa yeene gbete gaa shɔ kɔnɛ yɛ.

Kolapa a koo mini yɛ tɛɛ tɔ, ama n ruu yɛ tɛɛ ɓa.

Shɔzɛ waanɛ iyɛ a ang nii, iyɛ yee nya nɛ, <<N kɔ pɛ kirisi, i yɛ ɗakki shɔ waanɛ ang nii.>>

Kɛɗɔn shɔ yɛ sãwɔrɛ a ãwɔ shɔ -shɔ raa tasinɛyi a naa i nyo ɔ vɔrɔ, kopiya kpai iyɛ ɓɛ̃ɛ̃ ɔ ruubii ang yuu. Shɔzɛ waanɛ i yɛ yaa sisɨn ãnetɔ a ɗauni, i yɛ mɛli zɔ̃tɔ a bɛ̃ɛ̃ zɔ̃rɛ. Ɗa jashonɛ nya yeenɛyi waanɛ, i arɛ i ɗaki shɔzɛ waanɛ.

Yesɔ kasi nya nɛː <<Ɔ kn nɔɔ tɔ̃vɨn ɔkɔɔ yaa shɔne shɔwɔɔ ɗakkɔɔ rɛ.>>

Aruumkɔ kopi dii shɔpiya ɔ ɔ̃ a nɔkãkãri, aru Yesɔ shɔzɛja yɛ a ɗagbete ɔ ji pɔ̃ ɓa a sisɨn ni ɓayɛ.

<<Aruumkɔ ɔ ɔ̃ nɔkãkãri, aru gbete ɔ ji zɛ dii gbete Uɓeyelapa yɛ a yɛ ɓa.>>

<< Shɔwɔ ji zɛ dii u ɓa a ɗauni ɓa, ko Ɗa jashoneyi a kolapa, ko Ɗa jaa ma ji zɛ dii gbete vim yɛ pɛliyɛ ɓa, see ji Ɗalapa kɔ sheeli.>>

Kirisi nyayenɛyi a janyagadi nyayeenɛyi yɛ arɛ i pɛli vibiizaanɛ i ɗaki shɔ piti a shɔgbete shɔ lɔri yɛ ni naa shɔ si yarɛ neu ɔ̃ nankɔ yɛ.

Yesɔ shɔzɛja anɛ yɛ ɔ̃ naa vigbete kpaa shɔ a ɗaa Nuhu yɛ. Aɗagbete mii sãnɛ siji a ɓayɛ, shɔ shaavitɔ a ɓonɛni, vɔshɔ a soroni i tɛ zɔtɔ, anɛ a dii gbete Nuhu to latosi yɛ; I nɔɔ ji ɓeli ɓa, anɛ ɗagbete mii sãnɛ arɛ a seyi piti kpai. Yɛ ɔ̃ jinankɔ ɗagbete Yesɔ shɔzɛja yɛ sɔyɛ.