Populære bibelvers fra Yɔhana 6

Del

Yesɔ geliyinɛ, <<Nkɔng ɔ̃rɛ vishaanɛ gbete ã Suruyɛ, shɔgbete i kaanɛ ang ɗɔbii i yɛ nta wɔ̃ tɔɓa; shɔgbeteyi i kɛ ã sisɨnnɛ ang bi, i yɛ nta sutu tɔɓa.

Vigbete ã shɔ Suru yɛ ukɔ ɔ̃rɛ Ɗa Suru ; shɔzɛ kaka ɓa viwɔɔ ɓa. Ruugbete n gelɔɔyɛ n ti shɔ Ɗa Suru.

Ɔkɔɔ shovinɛ aru vishaanɛ gbete yɛ lɛsiyɛ kãnɛ; ama ɔ shovi shonɛ aru vishaanɛ gbete ã Suru au sɔ̃nya ɓayɛ. Shɔmkɔ ɔ̃rɛ vishaanɛ gbete Shɔzɛja yɛ ãwɔ yɛ, aru ukɔ ɔ̃rɛ shɔgbete Uɓeye, Ɗalapa, yaasiu nyaba nɛu pɛli nankɔ.>>

Vigbete mayɛ kasi nɛn pɛliyɛ ukɔ ɔ̃rɛ, shɔ gbeteyi ikɛ zɛ ɓɛɛ jaanɛ, ikɛ ã sisɨn nɛ au biini, i kpaa Suru gbete yɛ sɔ̃nya ɓayɛ. N yɛn yusiyi lapatɔ a lee gbete koo yɛ sɔ̃nyayɛni.>>

Yesɔ kasinya nɛ,<<Vigbete Ɗalapa kasinɛ u pɛliyɛ ukɔ ɔ̃rɛ nɛu ã sisɨn a shɔ gbete au shouyɛ bi.>>

Shɔgbete mayɛ ãng yɛ i yɛ ang ɗɔbiitɔ. N yɛn yiki shɔgbete i ang ɗɔbiiyɛ ɓa

Siman Bituru kasiunya nɛ,<<Uɓeyelapa, u yɛ yɛkɛpi ɗɔbii piya? Mɔkaa shɔ gbete ã shɔ ruu Suru gbete sɔ̃nya ɓayɛ.

Nkɔ vishaanɛ gbete u Suru ɗɔn au nɔ a kolapa, Shɔu kɛ shaa vishaanɛmnɛ yɛ ɔ̃ a suruni dangdang, vishaanɛ gbete n ãuyɛ pɛ n yɔpɔ, gbete n yɛn ãrɛ aru koo u kpaa suru.>>

Shɔwɔ yɛ ang ɗɔbii ɓa, setɛ ɔ̃tɛ mayɛ gbete au shong yɛ ukɔ n-tiurɛ ang ɗɔbii; n yɛn yusiyi lapatɔ a lee gbete koo yɛ sɔ̃nyayɛ.

Vishaanɛ gbete Ɗalapa ãyɛ ukɔ ɔ̃rɛ shɔgbete nɔ a kolapa a ã Suru a kootipi.>>

Nkɔ vishaanɛ gbete ã Suruyɛ.

Yesɔ tu borodi rɛ, a gaki Ɗa, a vɔsi shɔgbete i ɔ̃li ɗɔwiyɛ. Pɛli sɔ̃njo nankɔ a jazɨng ni, i kpai i shaarɛ naa i kasiyɛ. Naa shɔwi shaa borodi tɛ tɛsiyitɛ, kɛɗɔn Yesɔ geliu jadɔɔyinɛ, <<Ɔ toli u dalinɛ gbete yaayɛtɔ, aru yɛ lɛsirɛ.>>

Yesɔ jadɔɔyi i ra a latosi a yɛti mii mɛnɛ kilomita maani yɛnɛ maangbete, i zɛ Yesɔ u a ɗɔranɛ a yuumii naa atɛ ai ɗɔbiini maani a latosini, i kpai bizaitɔ. Yesɔ geliyinɛ,<<Bi-ukɔ zaa-ɔnɛ, Pɛ nkɔ!>>