Populære bibelvers fra मरकुस 11

Del

इण वास्तै म्हैं थौरे ऊं कैवूं की, जो कीं भी थै पराथना करण मांगोला, अर विसवास कर लौ की थांनै मिळ गियौ, अर थौरे वास्तै हो जावैला।

म्हैं थौरे ऊं साचौ कैवूं की अगर कोई भी इण भाखर ऊं कैवै, ‘थूं उखड़ जा, अर समंदर मे जा पड़,’ अर अपणै मन मे भरम नीं करणौ, बल्कि ओ विसवास करौ की जो कैवूंला वो हो जावैला, तो उण वास्तै वो हो जावैला।

अर जद कदैई थै ऊभा होयनै पराथना करौ तो पछै थौरे मन मे किणरै वास्तै कीं विरोध हो, तो माफ करौ। इण वास्तै की थौरा सरगिए पिता भी थौरा पाप माफ करैला।

यीसु उणनै जबाब दियौ, “परमेसर माथै विसवास राखौ।

पछै उणै सिकसा देते उण ऊं कयौ, “कांई ओ सास्तर मे लिख्योड़ौ कोनीं है, ‘म्हारौ घर सगळै देसो रै लोगां, रै वास्तै, पराथना रौ घर कैलावैला।’ पण थै उणनै ‘डाकूओ रौ अडो’ बणा दियौ है।”

जिकौ लोग उणरै आगै हा अर वे भी जिकौ लारै चाल रिया हा, सगळा लोग ओ नारो लगा रिया हा, “होसना! धन्य है, वो जिकौ परभु रै नाम ऊं आवै!

धन्य है, म्हारै पिता दाऊद रौ राज जिकौ आ रियौ है! सरग में परमेसर री होसना!”