Populære bibelvers fra Matthew 15

Del

လူဒွေရဲ့ဇပ်ပေါ့ဟ ထွက်လာဝို သူ့နို့ပြောသမျှဂါးဒွေရဲ့ဓိပ္ပာယ်ဟ သူ့နို့စိနှလုံးဟနေ ထွက်လာဇာဖြစ်ရယ်။ အဲမိုဇာဒွေဟဘဲ့ လူဒွေဝို ညစ်ညမ်းဇေဝိုဇာဒွေဖြစ်ရယ်။ လူ့သက်ဝို သတ်ခြင်း၊ သူများ ပြစ်မှားခြင်း၊ ကာမဂုဏ်လိုက်စားခြင်း၊ သူများပစ္စည်း ခိုးယူခြင်း ၊မှန်ဘဲဝို သက်သေထွက်ဆိုခြင်း၊ သူများဂုဏ်သိခါဝို ဖျစ်ခြင်း အဲမိုဇာဒွေဝိုမျိုး ညစ်ညမ်းဝိုကြံစည်ဒွေဟလဲ စိနှလုံးထဲဟ ထွက်လာဇာဖြစ်ရယ်။

လူဒွေရဲ့ခံတွင်းဝို ဝမ်ရော့ဝိုဇာဒွေဟ လူဒွေဝို ညစ်ညမ်းစေဇာမုဝ။ လူဒွေရဲ့ နှုဟနေ ထွက်လာဝိုဇာဒွေဟဘဲ့ လူဒွေဝို ညစ်ညမ်းစေဇာဖြစ်ရယ်။

အယ်မိုလူဒွေဟ ငါ့ဆီဝိုချဉ်းကပ်ပီး နှုအားန ရိုသေဂုဏ်ပြုဂေ့ဘေမဲ့ သူ့နို့ရဲ့စိနှလုံးကလလောဝါ ငါ့နဝွီးကွာလှပေရယ်။ ငါ့ဝို ကိုးကွယ်ဂေ့ဘေမဲ့ တန်ဖိုးမှေ့ရ။ ဟဲဖြစ်ရိနူးဆိုဝါ လူ့စည်းမျဥ်းဒွေဝို သွန်သန်ပြီး သူ့နို့ဟ ဘုရားရှင်ရဲ့ ပညတ်တော်ဒွေဖြစ်ရယ်ဆိုပီး ပြောဂေ့ရယ်' ဆိုပီး ကြိုတံဟောပြောရားဇာဟ မှန်ပေရယ်" ဆိုပီး မိတော်မူလေရယ်။

အဲနော့ ကိုယ်တော်ယေရှုဟ "အို အသင်မျိုးမီး၊ နန့်ယုံကြည်ခြင်းဟ ကီးမြတ်ရိတွက်ဂျော့ နန်ဆန္ဒရှေ့တိုင်း ဖြစ်စေလော့" ဆိုပီး မိတော်မူလိုက်ရာ အဲခီဟနေစပီး အဲမိုမျိုးမီးရဲ့မီးဟ ကျန်းမာလာလေရယ်။

အယ်ဘေမဲ့ သူမဟ ကိုယ်တော်နားဝိုကပ်ပြီး ဝပ်တွားပီး "ကိုယ်တော်၊ ကျွန်မဝို ကူညီပါ" ဆိုပီး ထပ်ပီး တောဘန်လေရယ်။ ကိုယ်တော်ဟလည်း "သားမီးဆီဟ စားသော့ဒွေဝိုယူပြီး ခွီးဝို ခလကျွေးဇာဟ သင့်တော်ဝ။" ဆိုပီး မိတော်မူလေရယ်။ သူမဟလည်း "မှန်ပေရယ် ကိုယ်တော်၊ အယ်ဘေမဲ့ ခွီးရားဒွေဂိုမှ သခင်ရဲ့ဘွဲအော့မှာ ကလနေဝို စားကြွင်းစားကျန်ဒွေဝို စားခွမ့်ရဂေ့ရယ်။" ဆိုပီး ပလန် ရှော့တံလေရယ်။