Populære bibelvers fra ARING KELESING 22

Del

Abraham na aran tinan, “Tuhan petmei.” Avin ha' nunan ateng kerei inih daha' na aran na', “Ha' ujung ngalang en Tuhan petmei.”

Ken Tuhan men iha', “Abraham, im ala nah anak ji ka' atih, aleng ngavam halam lelan anan, iha' tih Ishak, tei nah im ha' tana Moria. Sayu im ma'uk iha' men Akui hinan itung ji bun usu ka' im uk men Akui, tei nah im ha' ujung ji ngalang aleng seng Ek bara men ika' na'a.”

Pelalau Tuhan kuma', “Meng im lematei anak ka', dahin meng im na nun-nun té' iha', avin kerei inih Akui uh jam ika' takut lelan té' Akui, nusi' ka' haten ma'uk anak ji ka' anan men Akui.”

Ken Abraham, “U anak kui, Allah aleng seng ma'uk anak duba aleng en tu' uk men Iha' jadi' bun usu tu' en tu' pahun.” Panau-panau nah dawa' taman na' atih la'an.

Akui seng masi ika' lan-lan. Akui seng na pahu ka' kelalau kapan té' usun tana anih, awi kahum kelawing ha' langit dahin awi kahum hit té' benghé' banget, pahu-pahu ka' pah seng hipun daléh daha' bunu-bunu daha'. Men pahu ka' nah lim kelunan té' usun tana anih seng ala asi, avin ika' uh ngioh Dahuk.”

Men'uh ha' nunan dih iha' nah Tuhan Allah pesek kenep Abraham, ken Na' men iha', “U Abraham.” Lun nyu'ei nah iha', “Nun Tuhan?”

Bi medéng nah Meliket Tuhan duan iha' men langit, “Abraham! Abraham!” Nyu'ei nah iha', “Ket nun Kurim, Tuhan?”

Kedua' hangun na' Meliket Tuhan tengaran dahin Abraham men langit, ken na', “Nunih nah dahun Tuhan men ika', ‘Batung Kui anih aleng na jaji dahim. Avin ika' uh ngioh lim Dahuk, em peletu haten té' anak ji ka' anan dih

Ateng nah dawa' ha' ngavan aleng en Allah bara men iha' atih, pelalau Abraham petmei nah avo' tinan, en na' petmei-petmei nah kayo', dahin ngaput Ishak anak na' atih, en na' tei hujung kayo' tayun aleng hujung avo' anan dih.