Populære bibelvers fra मत्‌ती 23

Del

जु तुंद्‌रे मां मटु छे, चु तुंद्‌रु चाकरी करन्‌यु बणे।

जु कुय आपसा काजे मटु मानसे, तीना काजे भगवान नानलु कर देसे, ने जु आपसा काजे नानलु मानसे, तीना काजे भगवानुत मटु कर देसे।

“ए ढंगड़ा करन्‌या यहुदी धरम सीकाड़न्‌या मास्‌तर्‌या ने फरीसी माणसे, तुंद्‌रे वाटे बेसकी दुखेन वात छे! तुहुंं पुदीनान, ने सुपेन ने जीरान दसवु वाटु ते भगवान काजे आपु बाकुन मुसान साहरे लिखला सास्‌तुरेन खास वात काजे छुड़ देदा ने नीयाव, ने दया, ने भुरसा काजे टाळ देदा; तुहुंं दसवु वाटु आप्‌या करजु बाकुन नीयाव ने दया ने भुरसान खास वात पाळता रहणु चाहजे।

“ए ढंगड़ा करन्‌या यहुदी धरम सीकाड़न्‌या मास्‌तर्‌या ने फरीसी माणसे, तुंद्‌रे वाटे बेसकी दुखेन वात छे! काहाकी जसा तुहुंं कटवराक ने तळी काजे उपर-उपर ते वारु उजाळु बाकुन चे माहें आंदारला ने आपसान ने भलो करनेन वीच्‌यार सी भरायला छे।

“ए यरुसलेम, ए यरुसलेम! तु भगवानेन अघी सी आवणे वाळी वात देखान्‌या काजे मार नाखे, ने जे तारे धड़े मकली रया, तीनु काजे बी तु दगड़ा दीन मार नाखे। मे काय कावा चाह्‌यु की जसी कुकड़ी आपणा पीच्‌या काजे तेरा पाखड़ा तळे भेळी कर लेय असुत मे बी तारा पुर्‌या काजे भेळु कर लीस, बाकुन तुहुंं नी चाह्‌या।

हीनी रीत सी तुहुंं बी उपर सी माणसे काजे धरमी देखाय पड़ु बाकुन तुंद्‌रा मन मां ढंगड़ा ने पाप मां भरायला छे।