Populære bibelvers fra Eltibi 5

Del

Ka jo warre go nnyo, jol ejum ki-a jo foomo go eltim re wo bung ejum ajehng ajehng go esamahr bi Esowo. Esowo li go elbung, wo li ga ndi, owo wahnge nobo re wo k'ga jo bung.

Budu o, Esowo l'ka nne agburu afang á fere bel nsol, fere ka-e eko re á jo li nsehng go nsol nyio, fere ko re ano wo elkpin li no, jo bel eyebatahng go eltum ene, jia ayare nya Esowo nya.

Nne awohng awohng no akpohko kpo kor-e, akpohko we-e nehm tiki gbal; nne awohng awohng no nsol afang kpo kor-e, nsehng afang we-e nehm tiki gbal. Jia fvfo ejumjum lohngem.

Jo baabe akpade eljen enya a l'je go Etahk Esowo. Jo je re wo song wuungu atung, sehnge re wo song lim njom nyi agboolo ane, bo ji kil jo kahn re boblim ebi.

A l'ko nwongo a Esowo, ka laange ellimi ejum jio. Esowo eltim we-e kpehme yebe bada agboolo ane; lim ji a ko nwongo.

Ga fuumu re nne k'ko nwongo sehnge re á ko, k'lim ji á nyame no.

Ellu ni nne no ma lim nltum kpo yebe sehng, jol afii bo li nsol ntiil afii bo li gbalee, wo efangene, nsol afang ebo nehm taame re bo lal.

Nne awohng awohng kpo lohng ebun ebun go ala nnyehn ba, ana nne awohng awohng ba no, ano wo á bahke feere. Ejumjum á nehm bel go ntum enye kpee nyi á jo nyennge lim, ji á bahke fili go ege ebo asongo.