Populære bibelvers fra Juan 1

Del

Manang ya kadég na dumawat aw mangintu-u kanan, pig-atagan nan silan na katundanan na ma-imoꞌ mangayseꞌ na Tyumanem.

Asini muna sa walaꞌ pa na Tyumanem imo-a ya kadakulaꞌ na banwa, awun da ya Tingeg. Aw ya Tingeg, dun da sakanan ni Tyumanem. Aw ya Tingeg, Tyumanem saba.

Aw ya saleng yeiy, yan uman ya maka-ilaw sa kangitngit, aw diliꞌ mabatug na kangitngitan degen ya kalalamdag.

Aw ya Tingeg yeiy, nya-imoꞌ sakanan utaw aw nyeyaꞌ asini eped tadun. Nyatmuꞌ sakanan na grasya, aw alag matinaw ya piglong nan. Aw kyinitaꞌ nami ya kadyaw na Tyumanem dun ni kanan Iseꞌ na tamisa.

Magi kanan pig-imoꞌ na Tyumanem ya kadakulaꞌ. Walaꞌ saba ya nya-imoꞌ kun bekeꞌ na Tingeg ya mig-imoꞌ. Yan ya lyekatan sa ginawa. Aw ya ginawa yeiy, kasiling na saleng na maka-ilaw sa kadég na manga utaw.

Na, pagkasalut na allaw, pigkitaꞌ ni Juan si Jisus na migpasinan adti kanan, aw piglongan ni Juan ya manga utaw, “Tandawi mayu! Iyan da ya Nati na Karniro na Tyumanem na un pagdugsuꞌ pada lanasen ya salaꞌ na manga utaw!

Aw pangkay nyeyaꞌ sakanan asini lupaꞌ aw magi kanan nya-imoꞌ ya kadakulaꞌ na banwa, manang walaꞌ kilala͡a na manga utaw kun singalan sakanan. Aw pangkay pigkadiyan nan ya kanan manga kadégan na manga Judiyu, manang madég kanilan ya walaꞌ dawat kanan.

Ya tengteng kalalamdag, nyadi sakanan asini tas na lupaꞌ pada ilawan ya anenganeng na kadég na utaw.

Kay asini muna, pig-atag na Tyumanem ya kanan Uldin adti manga Judiyu magi kan Moysis. Manang adun, magi kan Jisu-Kristu pigpakitaꞌ nan ya kanan grasya aw katinawan.