Populære bibelvers fra Génesis 8

Del

Naskadu Epa Dios awẽ duwe shara xetei idibadi. Diospa awẽ shina meraduax iskadi: “Dukuwedewawe awĩwuwaweri wakekuikaxu chaka shinawiyaiwawe ẽ ana atu chakawadakaba. Yurawu bai adu iyuwawuadu. Awara wadakata wiwuwaiwudu. Batsi ipadaka. Xada ipadaka. Wariri ipadaka. Bechakari ipadaka. Pedari yaberi ipadaka”, Epa Dios idi.

Naskadu xaxuwã meraduax kaĩta Noépa ruwewu petsaidaxu naa kabakixu yuina peiyawu nu pitiruwu sharakui Dios kuwaxudi inaxikĩ.

Naskadu Noéwe naatiiwi yuinawu idawanabetiruwu yuina dii mera ikawu Epa Dios atu shinadi. Naskaxu Epa Dios wumakayadua newewã webadi. Naa newewane ede daxawakĩ taewadi.

Ma wari kaidu riwi awiana dasudi. Badi xeushtabexu wedi. Naskaitu uĩkĩ Noépa tapidi ma bai betuaitu.