Populære bibelvers fra Be ya a Roma 8

Adi be mò binbin a Ehwya bwe anga, ge bwe be evǝ esese mo be ya e dgyan ye anga, be ya a gè fǝ́ ara be dwa adi edgyan mbwe ángá.

Adia m yi ara a tswa tsuruku mam jan, mò akan nwone e ngga a kwa je ngge edgyan a Ehwya tú je ángá adi efka mo Yeso Kristi Etsodwe je ángá, fwa ye ra. Ge è ma no fǝ, eno e ra nya, eno e ra be maleka, eno e ra be engǝ́ e dwatì anga a kpe, eno e ra a sǝnsen, be mò e no asuswana, eno e ra be mò nwone a bwa ángá, eno e ra be echakpo, fwa ye ra, èé be mò e no chá kpe, eno e ra be mò e no a tswa evǝnvǝn mo sǝnsen. Ben ye mò akan a tswa binbin be mò a Ehwya bwe ángá, nwone e nggakwa a ti je ngge edgyan a Ehwya tú je anga ra, adi efka mo Yeso Kristi Etsodwe je.

Ba anona, Engǝ́ hon bwejwa je, je bwe binbin mo be mò a je bwe a ti je ra. Abu je yi je abu ja bgó ebgo ángá ra, Engǝ́ hon e chu ye bgó ebgo anga a zǝn Ehwya a chu je a tswa etsǝn etwam yishwa a kpevǝ jan a ti ye ra.

Ano ge no enò, mò a ja jan a chu be mò ena a ano? Ano Ehwya no ngge je, ende e bu a ti tsǝ ngge je ángá a ara?

Enona, asuswana be ya e no ḿ mo Kristi Yeso ángá, Ehwya a kpèn ye be kǝ́nfǝ ra

Ano nobǝ gwa fwa ekam mo ekǝnjuju mbwe dwatì a chu ye, ga vǝ fǝ a bwa ye a chu, tea ende hon e gwa Engǝ́ mo Ehwya dwatì a chu ye, ga du ye ga ben nya ngge adgye.

É yé, a chu be mò ena binbin, je twafǝ̀ be e jan je devǝ́ ti ara, adi efka mo ende e dgyan je anga.

Adi fwa ekam mam, ekan a je ngǝ anga asuswana na, be ti mbwadi a ti be ngge egǝ̀n a ja ben nòya ángá ra.

Ara a kwa je ju ngge edgyan a Kristi no ngge nó a chu je ángá? Chú a be embwadi e bwa anga adi efwa efki efki? Chú a be mò e no kǝn je nya anga àywá? Chú a fí etswam? Chú a mbe e fu anga? Chú a mokàn mo enggwam a ju a je ben je ra? Chú a be mò ya a tkò je ángá? Chú a egum a be gu je anga?

Ehwya nwene e yi binbin mo be mò e no a tswa tsuruku mo nobǝ ángá, yi ḿ mo a Engǝ́ hon, adia Engǝ́ hon dònvǝ anga a zǝn Ehwya a chu be nobǝ mo Ehwya, ken anga abu mò a Ehwya dgyan anga.

adia be ya Engǝ́ mo Ehwya vǝ be ken anga ngge ge ángá, a mbǝgya mo Ehwya.

Be ya e no zǝno anga abu ekǝnjuju ebgen mo be dgyan anga, be ka shwa anga a chu be mò a ekǝnjuju mo be dgyan anga, tea be ya e no zǝno abu Engǝ́ jan be anga, be ka shwa anga a chu be mò a Engǝ́ hon dgyan anga.

A ge hon nwene è fupe ye èé Nwen ye ra, tea ge ti ye no evǝa be e gu ye a chu je binbin. A ge hon ngge Nwen hon, ba no be je be binbin mo be mò efki edwe ra?

Engǝ́ mo Ehwya e chu ye ngge engǝ́ mo je, jan adi ebi jan, ja mbǝgya mo Ehwya. Enona, ano ja mbǝgya mo Ehwya, ja a be edefǝ́n mo Ehwya. Ja be edefǝ́n mo Ehwya abibi ngge Yeso Kristi. Ano je dgyan anga je e ben egǝ̀n ngge ge, ge no ara kenm je e ngǝ ekan ngge ge.

Adia ano ende akan nyi tsuruku mbwe no kpwà a chu mò a ekǝnjuju nobǝ dgyan anga, ende hon bwe chu ye nga ara ya eze mo Ehwya. Ga tse a ti ye edon mo Ehwya ra. Ga tse a didi ye nó ra.

Be mò emmòm binbin a Ehwya è mmò ángá, no buzǝ ngge ju emam, nobà nò a Ehwya a fi mbǝgya mbwe a tú a tswa enggasansan ángá.

Je yi jan ti bwa anga na, binbin mo be mò emmòm twa etsǝn anga a tswa ekan engǝm abu edwadwa mo mba echinm.