Populære bibelvers fra 2 Korinti 4

Del

N ke bɔ kanjǝl nɨ nugɔ kuwo lɛ nǝn dʌng lɛɨ. Nǝn dʌng kanjǝl nɨ mɨ nugɔ kuwo lɛɨ. Kanjǝl nɨ nugɔ kuwo lɛɨ, n kanjǝl nɨ mɨsɔ tɨm shutǝm lɛɨ. Kanjǝl nɨ mɨ nugɔ kuwo lɛɨ, n kanjǝlɔ mɨ dɨtǝm woi.

Nǝn dem bɔ nǝl. Bʊtɔ nǝnɔ kala lɛ sul, kʊlɨ nǝnɔ kum jǝbɔ kum gǝ yǝlam a fɨ. Gaalan nǝnɔ nɨ dǝmɨ, mɨsɔ tɨm dɨtǝm lɛ. Nǝn gɔ fɛka nǝm dʊʊlǝn nɨ lɛ mɨ dɨtǝm woi, wʊnɨ a laa kwaan jǝ nʊngtǝmɨ.

Jǝ nǝ nǝn gaalan nɛ a golantɨnɔ gǝm gwam, a dǝg nǝn bɔ lʊwatǝm nǝn maajɨ nɨ nǝn ya a kǝgaɨ nǝn bǝla maatǝmɔ. Jǝ yǝla nǝm dul lɛ, a dǝg nǝn bɔ nǝn dem nǝl. Ja ku naa ja fa nǝm, a dǝg bɔ Kwaama a bǝla nǝn. Jǝ gʊba nǝn nɛ a tǝm, a dǝg nǝn bɔ nǝ bʊla.

Shilo nɨ nǝn nǝnɨ, gǝ na a mʊgɔ suubʌl boli, sǝ ja nʊng gʌleng kwaan nɨ na a Kwaamaɨ, ke bɔ a nǝn.

Mammɔ wʊnɨ nǝn gɔ n fɔlɔ yooli nɨɨ, a kul nǝn bʊʊlalɨ nǝb nɨ a nǝ bɔ bɨlǝngkɛlɨ, kage ja kuwo nyalǝm fulon kɛl lǝmɨ dʊʊlǝn Kiristii, gǝ nɨ n jelkalǝng Kwaamaɨ.

Kwaama nɨ a sʊwa gɔ, “Bɛ nyalǝmɔ a won a kʊm kumtojilii,” nǝn gɔ tag a dǝg nyalǝmɔ won nɛ a mʊgɔ nǝl nǝnɨ, sǝ a won nǝbɔ gǝm gwam sǝ ja nyǝm dʊʊlǝn gǝnɔ a kǝga Kiristii.