Populære bibelvers fra 2 Korinti 1

Del

Bɛ buutǝm kangɔ a ta tʌgo gwanggwang a daagɔ Kwaama woi wʊnɨ nǝn Tɛtɛ a Tɛlalɔ bǝn Yesu Kiristii, Tɛtɛ nɨ ji bʊnǝn nɛɨ jǝbɔ Kwaama nɨ nǝ bǝn yʌbtǝm nǝl lɛ gwamɨ. Nǝn gɔ nǝ bǝn yʌbtǝm nǝl lɛ a gaalan bǝnɔ gǝm pʌdi, sǝ bǝn tǝbǝn bǝ yǝlam nǝb yʌbtǝm nǝl nǝbɨɨ nɔɔ gaalan nɛ nǝn dʌmʌni. Bǝ nǝ ji yʌbtǝm nǝl nǝn yʌbtǝm nǝl nɨ bǝ nya a daa Kwaama woi.

Kanga bǝ nɔɔ gaalan nɛ a ladaɨ, wʊnɨ dǝngdǝng kanga Kiristi a nɔɔɨ, jǝ yʌb bǝm nǝl nyɔ a gola Kiristii.

Bɨlǝngǝn nǝn kuwo lɛ maamɔ ja mwatɨ nǝm borang bwaa. Jʊ nɨ a bwɨ kage nǝn ya nǝl a kwaan dul nǝn, na ke bɔ a daagɔ Kwaama woi, wʊnɨ gung nǝb nɨ lɛ a bwaaɨ.

Kwaama nǝn gɔ a nǝ nǝn kwaan nǝbɔ jen a kǝga Kiristii, nǝn gɔ a gul bǝm bwiyeli. A ka bǝm kwatɨ gǝnɔ gɔ bǝ na a gɔ, a nǝ bǝn Yʊwa gǝnɔ a nǝl bǝn. Mɨ nyǝmatǝm wo, gɔ gǝ nǝ bǝn nǝ tangǝn kanjǝlɔ gwam.

Na jǝ nǝ nǝn gaalan nɛɨ, nǝn nɔɔ gaalan a kɛl dul jen sǝ a yǝlam jem jǝ yʌbtǝm nǝl jǝbɔ bʊʊtǝm. Na ja yʌb nǝm nǝlɨ, jǝ́ nya yʌbtǝm nǝl tʌjen, wʊnɨ dǝg jen nɛ jǝ́ bwa nǝl tʌjen a gaalan nɨ nǝn nɔɔ lɛɨ.