Populære bibelvers fra Waxye 3

Del

Taykiyo, carafalle daw-erhxeyaako caraf akuxkuxuk aniyo. Akkinnanti yi dhaw yoobbeh maczo faakemko, adde orobeh aalih beeto kiyo, usuk lel yoolih beeto kinni.

‘Ku abittot aarhige. Atu dhamxin tiya makito, lacin tiya makito. Dhamxin tiya hido lacin tiya tekkeh takkeedo kibah, awlaako ibal! Amaydo, atu dhamxin tiya makito, lacin tiya makitooki, ammaye tiya kitomhi sabbatah, inni afko thuf ku isho kiyo.

Anu kixiniyo mara digaalak kinni adabe ayrhibirhemki, qeera le tiya tik.

‘Ku abittot aarhige. Taykinna, walaa inketti alifo dhiicinnixe fakkite caraf nifidde kok hayeh aniyo. Atu dago xayla litom aarhige, kinni hanuk yi waanitta dhawudhdhenkah yi migac mixininnito.

Tamaa yamlike tiya lel anu gantah imlikeyaako inni Abbaalih kaa nugus-kurselle akah defeyeh aniyookah, inneelih yi nugus-kurselle kaa defeysho kiyo.’

Atu akkocaddarron, maskiin, baaxenta, inti-male kee casiini kitom ishek sorhak: “Anu gaddaale kiyo, gaddaaliteh aniyo, yi farhshishshamah walaa inkim maliyo” tarhxe.

Sabreelih curtayyo abitto koh warisheh yi toobbemhi sabbatah, tamaa baarholle martam tacakkano umbuka caalamalle amiituk tane cakanat saacaako ku dhawrho kiyo.

Anu dheh amiitiyuk aniyo. Tamaa ku bor walaa inketti kok beyak, tamaa litom qath-ishsheh ibbirh.

Ku abittot yi Yallih nifille taylaggem yekkeh migeyinniyomhi sabbatah, ugutaaki tamaa rabo farheh yinemko raace abittot uscussub.