Populære bibelvers fra Waxye 13

Del

Tayim kas farhshishsham kinni: amaa alluulattohi nibro xiyaw nibro kinnik, dhiicati yaxaasaboo. Amaa nibro lel 666 kinni.

Baarho ankhulluqhekkahko taahe tamaa yumruxxude Leemahi aniinat kitaabadde ten migoc akko ankuttubinnixe mari inkoh baarholle martaya akah yacbadoona kinon.

Amayim gantah inkoh cindha tiya naba tiyah, inkoh gaddaale kee baaxenta, inkoh finja-le kee garuzzo, mizgi gaballe hido dambaralle maxtam alle akah gaxaakah abe. Amayim lel tamaa alluulatti migac hido kaa migac hi nibro aalle wayemko, walaa inketti dhaamo hido yaabaxo akah wayaakah kinni.

Akkinnanti yamxabbasho yekkemko, xabshedde yadaw kinni; akkinnanti sefih rabo yekkemko, sefih rabo alle tane. Tayim lel yinqiddise marahi curtayyo kee imaanhi deecoh takkem kinni.

Wuli alluulatti badko awcuk uble, usuk tamana gashsha kee malxina amo luuk yine, amaa gashshushuk lel tamana cindhadhdhaa erherharh le bor, amomuk lel Yallahi waatohi migoc luuk yine.

Amaa yinqiddise maraalih dhibbaw kee ten yascaro izne geyeh yine. Umbuka kishosh, xiyaw, waani kee wathunhi bukalle lel reeza akah tomxoyeh tine.

Amaa baarholle martamah lel amaa sefih rabeh ure tiyahi misle siraaxoona akah warishe. Amaa afti alluulattohi hidhdhadde abo izni akko akah yoxoye ishaarar abak ten doolabak yine. Inkinnah amaa afti alluulattohi misli waanisho kee inkoh amaa misleh acbudinnixe mara yagdafoona ciloh, amaa malammit alluulatti afti alluulattohi misleh wafa akah yaxaw izne geye.

Tamaa anu uble alluulatti lel qabictah higgiduk yine; kaa iboobi dibbiitimih higgiduk yine, kaa af lel lubak tiyah higgiduk yine. Ayyih gaabbaa lel kayyah ishi xayla, ishi nugus-kurse kee naba reeza akah yoxoye.

Amaa alluulattoh amnonobbaati waani akah waanishah, Yallah akah waatima af akah yomxoyeh yine, ishi reeza marootom kee lamma alsiya yatnaafaco lel izni akah yomxoyeh yine.

Kaa amomko tiyä lel rabi guddussa biyaake luuk tine, amaa rabi guddussa biyaake laakin akah urteh tine. Umbuka caalam lel cibrah rabak sarradde akko katayen.

Aki alluulatti lel baarhooko awcuk uble. Usuk maruu balih lamma gashsha luuk yine, gaabbaa balih lel waanishak yine. Usuk tamaa afti alluulattohi reeza inkoh kaa idhdhadde atneefecuk yine. Baarho kee teyalle martam lel tamaa raba guddussa biyaake akah urte afti alluulattoh akah yacbudiiniikah aba.