Populære bibelvers fra Waxye 11

Del

Sarrah malxin-ya malaykatti ishi thurumba yootoke, carshelle lel mango dhaw wac-yerhxeyaako: “Baarhot nigsinna ni Maddara kee kaa Masiixhi nigsinna tekkeh tane. Usuk lel umman gedda kee umman gedih yangaso kinni” arhxuk yine.

Wathun kurraye, laakin ku kura temeete, tamaa rabtem adde tafrideh, ishi khaddamte, nobowa kee tinqiddisem, tamaa ku migacko mashshiita mara, cindha mara kee naba mara adde taxkiseh, baarho yaylaye mara adde taylaye waqhti gufeh yane” lel arhxuk yinin.

Inni lamma shaahidih lel reeza akah axawo kiyo, usun lel guula sariteenih shiix kee lamma bool kee laxtam lellectiya nabii balih waanishoona kinon.”

Laakin adooxa lellec kee abrhak sarrah Yalli wafa adde yedebbeyaako, ibah daw-yerhxin. Tena yuble maralle lel naba gilix alle oobe.

Usun nabii balih waanishak rob radamko, caran alifoona xayla lon. Laye biilolle yaybaddaloona, sinneh akah farhinnan ginah lel, farhinnan bala baarholle gamoona xayla lon.

Ta mari lel tamaa baarhot Maddari nifille soolteh tane lamma oolactö kee lamma qandel-defeena kinon. Akkinnanti ten biyaako farhemko, gira ten afko tacweh ten cange bakta. Akkinnanti ten biyaako farhemko, taginah rabo alle tane.