Populære bibelvers fra Maatiyos 24

Del

Sercat-maliini yammango kinamhi sabbatah lel mango marih kaxani daggowo kinni. Abayshima fanah curinnanti lel gargeerimo kinni.

Umbuka xiyawah shaahid yakko ciloh ta nigsinnat Mece Wari umman caalamalle warreyo kinni, amaymik sarrah abayshima tamaato kinni.

Dhiba kee dhibat ware lel taabboona kitin. Tayim takko alle tanemhi sabbatah, selita, mibirriigina, abayshima laakin amaa gedda maki.

Wathan wathanti diddeh, nigsinna nigsinnat diddeh uguto kinni. Mango baarholle lel kirdidimom kee culul yakko kinni. Tayim lel inkoh amaa waaxelti ubkahi erherh kinon.

Caran kee baarho inkoh tillaaboona kinon, yi waani laakin tillabto maki.

Amayim lel: ‘Anu Masiix kiyo’ arhxuk yi migacalle mango mari yemeetiinih, mango mara doolaboona kinoonimhi sabbatah kinni.

Amaa geddadde, cazaabah tillaabisheenih sin yasxawna kee sin yagdafoona, amayim balih Yi migac hi sabbatah umman wathunuh tamnaccaboona kitin. Mango mari lel gaba yaxawna kinon, sittiya yosxoynih lel sittiya yancaboona kinon. Mango zirabti nobowa ugutoona kee mango mara doolaboona kinon.

Yeesus lel: “Akkinnanti sin doolabak selita.

Amaydo, Xiyawti Barhi atin adde ilaalinnixitin saacadde amiituk yanemhi sabbatah, tinqirribiinih suganta.

Amaydo, sin Maddari adde amiituk yane lellec mitaarhigiinimhi sabbatah, himma-abita.

Amaa lellec kee saaca laakin Abbaako bextih, walaa Barha, walaa carshi malaykut gantah, yaarhigeti miyane.

Amayim lel zirabti masiixiin kee zirabti nobowa uguteenih, dhiicimemko, amaa Yalli doore mara gantah doolaboona ciloh naba ishaarar kee bexsishsham aboona kinon.

Xiyawti Barhih mumut, Nuux waqhtedde akah tekkeekah yakko kinni. Cilish weecaako basolle aykee Nuux naba doonikidde orobandah, beetak kee aacubuk yinin, amayim balih marcishitak kee marcishimak yiniinimko, cilish weeci yemeeteh inkoh ten beyandah akah aarhige wayeniikah, Xiyawti Barhih mumut lel amaa gina yakko kinni.