Populære bibelvers fra Yohannis 15

Del

Anu cinab xarha kiyo; atin lel xakuk kitin. Yottaako bextih walaa inkim abtoona mirhictaanamhi sabbatah, yottadde sigak anu adde siga tiya kinni, mango daro baahati.

Atin yottadde siga, anu lel sinadde. Xak cinab xarhak anniye wayemko, daro akah baahe wayaaka balih, yottadde sigteenih akke wayemko atin gantah bahtoona mirhictaana.

Yottadde sigteenimko, yi waani lel sinadde sigtemko, farhinnannim dhaacittan gedda, amayim sinah takko kinni.

Atin yi midooritiini. Anu laakin tedeynih tayfarawna, sin fire lel marto kinni, atin yi migacalle Abba dhaacitinnannim lel sinah yaxaw ciloh sin dooreh sin dhirhiyeh aniyo.

Xiyawti ishi soxobah arhxuk ishi aniina tillaabisham, tayko naba kaxani miyane.

Daro baahinnixe yi xakuk inkoh yagriceh asac-isha, daro baaha xakuk lel mango daro baaho ciloh meceetih qarcoysha.

Yi amri tatiya kinni: anu akah sin ikxineh aniyookah sitta ikxina.

Mango daro bahteenimko, yi Abba taymih yanabe, atin lel yi katattaynit kitiinim tamidhdhigin.

Anu rummaahit cinab xarha kiyo, Abba lel cinab dhageh baclaysheena kinni.

Yottadde siginnixeti amaa xak balih amulalle cidditah kafa. Amaa xakuk lel yakatteh, giradde cidditah xarara.

Tayim sinlih waanisheh aniyom, yi xeden sinadde yannaw kee sin xeden kaamil yakko ciloh kinni.

Yi amre dhawudhdheenimko, anu yi Abbah amre dhawrheh kaa kaxanodde akah sigeh aniyookah, yi kaxanodde sigtoona kitin.

Tayim sin aamiriyuk ane: sittiya ikxina.

Atin caalamko takkindo, ta caalam ishim balih sin akxine dhadhdhe; laakin anu ta caalamko sin dooreh, atin lel ta caalamko makitiinimhi sabbatah caalam sin niciba.