Populære bibelvers fra Yacqoob 1

Del

Yi saculo, mango caynah cakana sin taseedefe gedda, inkoh xeden balih ubula. Amayim lel, sin imaan cakanadde saya gedda, curtayyo sinah baaham taarhigiinimhi sabbatah kinni.

Sinadde kas kaa farhshiishati yinniyemko, cadalekkah umman tiyah xindaalih yaxaye Yalla dhaacimoo. Akah lel tamxawo kinni.

Yinkixxine yi saculo, tayim irhiga: ummanti dheh yaabbe tiya, waanille afitinnixe tiya, dheh kurrayinnixe tiya yakkoo.

Atin walaa inkim akko anqusinnixe yikmile mara kee gufe mara takkoona ciloh, amaa curtayyi kaamil yakkoo.

Tamaa waanittaatim aba mara tika kibah, sinne doolabteenih yaabbe mara bisa makkinanta.

Tamaa cakanadde curtayyo abitati barakä-le tiya kinni, amayim lel cakanaako yawce gedda, tamaa Yalli kaa kixin marah wacde akah saye aniinat bor geyo kinni.

Inkoh mece muttuxuwa kee naqhuse hin muttuxuwa aganaako, ambedeedelinnixe hido yanqeyeeyere silal balih akkinnixe carshi ifohi Abbaako kinni obtam.

Amaa waanitta yaabbeh abinnixeti yinniyemko, tamaati magannaxitille macal kee magoh ishi nifidde kulux-yarhxe tiya balih kinni. Usuk ishedde kulux-yarhxeh yadiyemhi sabbatah, amaa geddaakoh aagina luuk yinem biyashshiita.

Abba kin Yallih nifille tsitstsaye leh masxitinnixe diin tatiya kinni: gidcatite xeewo kee gubon gufaanam kee ta caalamti masxeeko sinni nabse yabbirhiinim.

Akkinnanti cakanadde saya gedda: “Yalli cakanadde yi sayshe” arhxe wayo. Amayim lel Yalli umaanih yamcakkano mirhiica, usuk lel isheh walaa inketta miyacikkinemhi sabbatah kinni. Ummanti ishi farhih hirgiimayaako yamlalayeh kinni cakanadde sayam.

Baaxenta kin sacal isheh xaf-yerhxeh yanemih cafadoo.