Populære bibelvers fra Efesos 5

Del

Amaydo, yinkixxine cindham balih, Yallih misaal kataa mara tika. Tamaa Masiix ni yikxineyaako mece ure kee beezza yekkeh nottah arhxuk Yallah ishe akah yoxoyekah, atin kaxanodde gerhanta.

Aaginah gedhdhaanam lel kas hin mara balih akkekkah, kas-le mara balih xeelaatih ubula. Amayim lel ta waqhti uma-tiya kinamhi sabbatah, sinni waqhte sinni nafaacadde ashishanta.

Fasaadadde xiyaa ciddam kinamhi sabbatah, waynidde maskarinantaaki, Quddus kin Ufayeh emmeganta. Tayim lel mazmuur kee faylat qanna kee nazme, margadde kee afeena sinni afcaadooko Maddarah abak sittiyaalih lel waanishak, Abba kin Yallah, ummannimih, umman gedda ni Maddara kin Yeesus Masiix migacalle lel xamdishitak

Amaydo, duudit makkinantaaki, Maddari farhi ayim kinam irhiga.

Ko baacilo, tamaa Masiix kaniisa akah kixinaakah, teyah arhxuk lel ishe akah yoxoyekah, atin gantah sinni sayyo ikxina.

amayim lel wuli gedda dite kuuk tinin, kado laakin Maddari araxah ifo tekkiinih tanin. Ifi cindham balih lel gerhanta.

Masiixih litin mashshih lel sittiyah am-izzizuk abanta.

Ko sayyo, Maddarah akah tam-izziziiniika balih, sinni baacilih im-izzizanta.

Yakko kibah, sinko ummanti ishi numa ishe balih yakxanoo, numa lel ishi bacla xishmattoo.

“Amaydo, xiyawti ishi abba kee ishi ina xabah ishi numaalih inketta yakke, lammik lel inki xazotta yakkin.”

Fire hin ditet ciyyodde gaba aalih tassagalliinim hidhdhah, ten iyfiddixa.