Populære bibelvers fra 2 Korintos 4

Del

Nanu lel tamaa tambulluwemidde akkekkah, ambulluyinnixemidde kinni kulux-narhxem. Amayim lel tamaa tambulluwem tillabtam kinni, ambulluyinnixem laakin umman geediitim kinamhi sabbatah kinni.

Amaydo, niya micidna. Ni nabsi irooko baarrowemih, addat ni nabsi maaxi yamaato kinni yacussubem. Ta sissik urhurh waqhtih ni waaxelti lel, agaagim hin umman geedit cilish nabne noh yaxaw kinni.

Nanu umman ummanimih nantseebebe, laakin minalaye; abnam sorhna, laakin niya minagrice; haddaanimna, laakin mixinnitimino, namuttukeh radna, laakin minalaye

Laakin naba xayli Yallih tiya kibah, ni tiya makinam tamadhdhago ciloh, ta cukra kallat citrorudde lino.

Tenim lel, ta caalamti yalli, mece warehi ifo, tamaa Yallih misle kin Yeesus Masiix nabne yabliinimko, aamininnixe marahi xangal alifeh yane.

Tamaa: “Ditedde ifi iffoo” yerhxe Yalli, tamaa Yeesus Masiix nifille yumbulluwe Yallih nabnehi irhgat ifo noh yaxaw ciloh, ni afcaadolle ifishe.