Populære bibelvers fra 1 Timoteyos 6

Del

Mece imaanhi gixlo ingixilanta. Tamaa akah koh deecimen, mango shohodah nifille lel mece shahaada alle toxoye, umman geedit aniina ibbirh.

Amayim lel solaadit kaxani umbuka caynah umaanih rimid kinamhi sabbatah kinni. Ta gina le hirfaanhi sabbatah kinni lel xiyawko gari imaan araxko yewciinih mango qadaabadde radeenim.

Loonimih yalaggiinih Yallih mashshih yadiinim laakin, naba maksab kinni.

Amayim lel ta caalamalle walaa inkim alle mibaahino, walaa inkim lel akko beyno makinomhi sabbatah kinni.

Ta kadit waqhtedde yane gaddaalit yamnanabbiinimko, tamaa nanu xedenno ciloh ummannim xindaalih noh yaxaye Yalladde kibah, sinni bakita gaddadde cag abitaanamko ten eemer.

Tamaa gaddaalito farha mari laakin cakana, machchawaadiya kee mango macna hin uma farhidde radan. Tayim abras kee liyadde xiyaa ciddam kinni.

Mecem aba mara yakkoona, mece abittotuh gaddaalitoona, xinda-le mara kee sinnim garoolih xazziilita mara yakkoona ten eemer. Taginah, rummaahit aniina geyoona, niiroh hida-le masarrat akah yakko ciloh, sinneh gadda yassakammaroona kinon.