Populære bibelvers fra 1 Tessaloniike 5

Del

Umman gedda xedenanta, daweena hinnim dhaaco abanta, Masiix kin Yeesus araxah tayim sinah Yallih farhi kinamhi sabbatah, umman gondodde xamde eddebbaanta.

Maaxiyot Yalli isheh sittiyadde sin yaqhaddasoo, sin ufaye, rooxe kee nabsi ni Maddara kin Yeesus Masiix gaxnanah abar hinnim akah sugaakah dhawrhumoo. Usuk tamaa sinah deecimati umun kinni; usuk lel thummutuh amayim abo kinni.

Sinko walaa inketti umaani, umaanih yafdiyek selitanta, umman gedda laakin, sinne-sinneh yakko, umman marah mecem abtoona wagiyanta.

Amaydo, tamaa akah abak taniiniikah, sinne-sinneh sittiya aydukumusseenih lel sittiya carishanta.

Ni saculo, tamaa bohosa kin adabe hin mara asuussoona, tamaa niya cide mara aydukumussoona, tamaa rukut mara lel xattoona, umman tenlih lel sabre taalloona sin dhaacimak nane.

Yalli, ni Maddara kin Yeesus Masiix araxah garger geyno kibah, kurah ni maaxayinna.

Atin lel inkoh ifi cindham, lellecti cindham kitin. Nanu barti cindham hido ditet cindham makino.