Populære bibelvers fra 1 Yohannis 2

Del

Caalam hido caalamalle tanem makxanina. Akkinnanti caalam yikxinemko, Abbat kaxani kayyadde miyane. Amayim lel inkoh caalamalle tane (nabsi sumsumutnan, intit sumsumutnan kee iraaroh litomhi amnonobba) caalamko kibah Abbaako maki.

Caalam ishi sumsumoolih tillaabak tane. Yallahi farhi abati, laakin umman gedda sigo kinni.

Yeesusudde siga arhxinnanti, usuk isheh Yeesus akah gerhak yineekah gerho kaalle tane.

Yi cindha cindhaamo, tayim sinalle aktubem, zambe abe waytaanamko ciloh kinni. Laakin akkinnanti zambe abemko, Abbaalih xato noh essera tiya lino. Usuk lel Xaqqi-wanna kin Yeesus Masiix kinni.

Tamaa “Kaa eerhegeh ane” yarhxeti, kaa amre lel dhawrhinnexeti, usuk zirable kinni, rummi lel kayyadde miyane.

Taginah lel kaa amre dhawurhnemko, kayya neerhegem naarhige.

Ishi sacal nicibuk ifodde yane arhxinnanti, kado fan ditedde kinni yanem.

Yeesus, Masiix kinni. Tayim xininnanti lel zirable kinni. Abba kee Barha xinati, tati masiix-didde kinni.

Barhah aaliminnixeti Abbah gantah miyaalime; Barhah aaliminnanti Abbah gantah yaalime.