Populære bibelvers fra Gníoṁarṫa 16

Del

Agus duḃradar-san: Creid sa Tiġearna Íosa agus beiḋ tú slán, tu féin agus do ṫeaġlaċ.

I lár na h-óiḋċe, áṁṫaċ, ḃí Pól agus Sílas ag déanaṁ úrnuiġṫe agus ag molaḋ Dé, agus ḃí na príosúnaiġ ag éisteaċt leó. Agus go h-obann do ṫáinig luasgaḋ talṁan i dtreó go raiḃ fallaí an ṗríosúin d’á suaṫaḋ go bun. Ansan, siúd na geataí go léir ar osgailt agus na ceangalaċa sgaoilte de sna priosúnaiġ go léir.

Agus ṫug sé leis amaċ iad agus dúḃairt sé: A Ṫiġearnaí, cad ’tá le déanaṁ agam ionus go saorfí me?

Do dúisiġ fear cimeádta an ṗríosúin as a ċodla agus nuair a ċonnaic sé dóirse an ṗríosúin ar osgailt ċeap sé go raiḃ na príosúnaiġ imiġṫe agus ṫarraig sé a ċlaiḋeam as a ṫruail ċun é féin a ṁarḃaḋ. Do liúiġ Pól air, áṁṫaċ, do ġuṫ árd agus duḃairt sé: Ná dein aon díoḃáil duit ḟéin; táimíd go léir anso.