Populære bibelvers fra Wlomɛnya 8

Del

-A -yi -sɛ -gbɔ -li 'klekle -ɛ -noɔ -wɛ, -wa -wa Lagɔ -wɛ "kɛ 'tee -ko za yɛ -lɔ. "Ɛ 'wayi -wɛ 'ye 'ɔ -la -lɔ -ye 'ɔ "kɛ no -wɛ za.

"Naa-, 'diɛɛ, 'e -kɛ 'dleku gbligbli, -bɛɛ' 'na -vinɛ "ne 'bhɛle- "ne 'ɛ "kɛ -anye Lagɔ 'na -waleɛ -ye 'ɔ -tua -anye 'ylime Anyinɛnyɔ Zezu Kli "me 'ylime -seselia. 'Ɛ "zo 'kwiɛ, zikpɛ, "nɔgɔzilia, zuzu 'wɔ, -zeka "ne 'zegbɛ, -ye -a -gɛ 'yli, "ne -ye -a "ne 'yli -gɛ -wɛ, "ne -wa -kɛ 'bhɛloɛ -wɛ, "ne "nɔgɔ "me 'na 'bhɛloɛ, "ne dodo ne "ku 'na 'bhɛloɛ, 'ɛ -nyɛ 'wlɛwlɛli 'klekle "bhaa, -bɛɛ' "ne 'bhɛle "ne 'ɛ "kɛ -anye -nyɛ Lagɔ "bhaa 'na -waleɛ 'ylime -seselia!

Zuzu Wlewle yi me 'lelee -anye 'kwɛle -ka, -anye -wa "ne "me 'tɛ-, "ne -a "ne -see 'wa bhubhɔ -wɛ -yi. Zuzu Wlewle 'ɔyigɛsɛ bhubhɔ -anyɛɛ za 'kplikpliɛ -ye 'wa -ka 'beku me -wɛ "me.

-Se 'wa -na lɛ bhɔ 'lelee 'a? Lagɔ kɛ -anye -nɔ yɔ ne, -ɔ "kɛ bhɔ -anye 'gble 'a?

-Dɛmeda, -wa -nyɛ Zezu Kli "bhaa 'wa -kole "ku -wɛ, 'wa -koa -da gbo lua-.

-Sɔɔdɛku 'nyɔkpɔ -gɛlele 'ɔyigɛsɛ 'na 'dlepɔsɛ -wɛ, 'kwiɛ 'ye 'ɔ mele -lɔ lo, -mɔ, 'nyɔkpɔ "kɛ Zuzu Wlewle -gɛlele, zikpɛ 'ye 'ɔ mele -lɔ lo 'ɛ -nyɛ "kuwɛtɛ "bhaa.

-Mɔ, -ɛ yle -anye 'klekle -wɛ, -anye zi -lɔ "ku -ɔ -wamale -anye -wɛ za.

'Ye 'e -gɛ 'yli -wɛ, -zeka 'na 'kplɛkplɛɛ "ne -bɛɛ' yɛ, Lagɔ 'na 'ŋlumeɛ 'na 'ye -a "kɛ bhliji "me -yle -wɛ 'na dɛku.

-Ɔ "kɛ bhɔ -anye Klise 'na -waleɛ 'glɛ -sɛ? 'Kpilɛkpilɛ bha? -Mɔ, 'dlebhɛ bha? 'Gbapegbapeɛ -ɛ 'bhale -alua "me -wɛ bha? Ŋɔŋo bha? 'Poɛ bha? -Mɔ, 'kplɛkplɛɛ "yitɛ -nyɛ 'kwiɛ "bhaa yɛ bha?

-Mɔ, Lagɔ -gɛ 'dlezɔ 'yli, 'ɔ -yi -ye Zuzu Wlewle "kɛ lo 'yɔbhɔ. 'Diɛɛ, Zuzu Wlewle bhubhɔ -see Lagɔ 'yɔbhɔ -wɛ, -wa -noɔ 'ɔnoa 'waa -wɛ za.

"Naa-, 'nyakpa 'na -ye Lagɔ 'na Zuzu -su -wɛ, Lagɔ 'na yua 'waa -lɔ gou.

"Naa-, -wa -gɛlele 'nyakpa -sɛku 'na 'siɛwlosɛ -wɛ, 'wanɛɛ 'dlepɔsɛ 'wa "zo -lɔ 'plome. -Mɔ, -wa -gɛlele Zuzu Wlewle -wɛ, "ɛ Zuzu Wlewle -wɛ 'na 'dlepɔsɛ 'wa "zo -lɔ 'plome, -see 'ɔ 'yɔbhɔ -wɛ.

'Ɔ Yowli 'nabhɛ, Lagɔ "no -kɛ 'kplɛkplɛɛ 'na -gwe "ku -sɛ, -mɔ, 'ɔ -plo -anye 'klekle za. Zaa, sɔɔbɛɛza 'ɔ -ka bhɔ -li 'klekle -anye "fu kɔ 'je, 'ɔ Yowli "bhaa.

Zuzu Wlewle 'ɔyigɛsɛ bhulɛle -lɔ -anye nɛɛ: Lagɔ 'na yua 'ye -a -noɔ. Zaa, -a "kɛ Lagɔ 'na yua 'waa ne, -a yi 'ce Lagɔ 'na -li -nyɔ za 'ɔ -plele 'ɔnɛɛ lokoyua weli kɔ -wɛ 'na 'dlidɛ -ko -me, "ɛ -li -wɛ Klise "bhaa -a 'yi 'gɔme -ylele. 'Diɛɛ, -a "kɛ 'ɔnɛɛ 'kplɛkplɛɛ 'na -didi "me ko -me ne, -a yi 'ce 'lelee 'ɔnɛɛ 'ŋlu 'na -didi "me -ko -me.

'Diɛɛ, 'nyakpa "kɛ 'wayigɛsɛ 'na 'dlepɔsɛ -gɛlele, Lagɔ 'na -gblenya 'waa -lɔ, 'wayi -wɛ, 'wa "ne "zo Lagɔ 'na -Lɔ 'plome, 'wanɛɛ -dɛku, 'ɛ "ne 'bhɛle gou.

"Naa- 'wlɛwlɛli 'klekle 'na ku tɛtɛle -see 'ɛ "kɛ Lagɔ 'na yua 'na 'ylime -tua -zle 'ylime 'ye.

-A -yi -sɛ -gbɔ 'wlɛwlɛli 'klekle 'kpli "ne 'ɛ 'gbape -na -zɛ sɛgbɛɛ 'gwɛlelɔbhɔŋɔnɔ.